Санкт-Петербурглик қиз собиқ футбол қироли Марадонани номусига тажовуз қилганликда айбламоқда…

Россиянинг Санкт Петербург шаҳрида яшовчи Екатерина. Н исмли қиз собиқ футбол қироли Диего Марадона номусига тажовуз қилганини баён этди. Қизнинг айтишича, нуфузли отеллардан бирида ўтиришганда, футболчи унинг кўйлагини ечиб зўрлашга уринган. Аммо Екатерина шовқин кўтарган.

— Биз номерда футболчи билан ўтиргандик, — деди у. — Ёнимизда яна икки-уч қиз, футболчининг вакиллари ҳам бор эди. Кайфи ошиб қолган спортчи кутилмаганда эгнимдаги кўйлагимни ечишга тутинди. Мен бундай ҳаракатни Марадонадан сира кутмагандим. Шовқин кўтардим. Футболчининг қўлидан ҳаттто ёнидаги ёрдамчилари ҳам мени ажратиб олишолмади. Шунда кимдир отел қўриқчиларини чақирди. Улар мени ярим яланғоч ҳолда ташқарига олиб чиқиб кетишди…

Расмий хабарларга қараганда, Екатерина ўзини журналист дея таништирган ва Марадонадан интервью олиш ниятида келганди.
Айни кунда полицияга шикоят аризаси билан мурожаат этган. У футболчи зудлик билан узр сўрашини талаб қилмоқда. Шубҳасиз, бу талаб ортида моддий манфаатдорлик яширингани аниқ бўлса ажабмас.

Манба: hordiq.uz “Замин” янгиликларини “Facebook”да кузатиб боринг