Америкалик телебошловчи елкасидаги улкан ўргимчак билан жонли эфирни олиб борди (Видео)

FOX 4 News телеканалининг бошловчиси бўлган Шэннон Мюррей (Shannon Murray) елкасида юрган улкан ўргимчакдан бехабар ҳолда жонли эфирни олиб борди, деб хабар берди Даракчи нашри.

Мазкур видеоролик Facebook ижтимоий тармоғига жойлаштирилди. Уни икки кун мобайнида 335 минг фойдаланувчи томоша қилди. Мюррей қўлида ўрмалаётган ўргимчакка эътибор қилмаган ҳолда жонли эфирни олиб борди. Фойдаланувчилар бошловчининг жасурлигидан ҳайратга тушишди. Улардан бири ижтимоий тармоқларда “Мюррей “Эмми” мукофотига лойиқ. Ҳеч ким менда бунчалик катта таассурот уйғотмаган”, деб изоҳ қилдирди.

Журналистнинг сўзларига қараганда у елкасида ўргимчак юрганини билмаган. “Нимадир ғимирлаётганини сездим, аммо унинг ўргимчак эканлиги хаёлимга ҳам келмади”, деб ёзди Шэннон Мюррей Facebook саҳифасида.

Янгиликлар