17:40 / 18.08.2017
9 673

Шавкат Мирзиёев Бекободдаги боғчалардан бирида

Шавкат Мирзиёев Бекободдаги боғчалардан бирида
Шавкат Мирзиёев Бекобод шаҳрига ташрифи давомида шаҳардаги «Шудринг» номли 5-сонли мактабгача таълим муассасасига ҳам ташриф буюрди ва бу ердаги лойиҳалар билан яқиндан танишди. Бу ҳақда Президентнинг Facebook’даги расмий саҳифасида хабар берилган.

Маълумотларга кўра, бугунги кунда Тошкент вилоятида 406 та мактабгача таълим муассасаси фаолият олиб боради.

Давлат раҳбарига мактабгача таълимда бола шахсини ривожлантиришга қўйиладиган давлат талабларининг асосий йўналишлари ҳақида сўзлаб берилган. Шавкат Мирзиёев айни йўналишда амалга оширилаётган ишлар хусусида тўхталиб, соҳани янада ривожлантиришга фақатгина давлат муассасалари эмас, балки, нодавлат ташкилотларини ҳам кенг жалб этиш лозимлигини қайд этди.

«Шундагина 2018 йилга бориб, мактабгача таълим муассасалари барча болажонларни тўлиқ қамраб олади», деган президент.

Бу ерда Президент шунингдек, 120 ўринга мўлжалланган намунали мактабгача таълим муассасаси лойиҳаси билан ҳам танишган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Шавкат Мирзиёев Бекободдаги боғчалардан бирида