Тошкент вилояти Бекобод туманида яшовчи бир оиланинг ҳаёти Президентнинг ғамхўрлиги туфайли тубдан яхшиланадиган бўлди.
Президент топшириғига асосан, Бекобод туманида мутасаддиларнинг маҳаллама-маҳалла, уйма-уй юриб ўрганишлари натижасида, бу оилага эътибор тушди. Оила бошлиғи имконияти чекланган бўлиб, бир оёғи ишламайди. Шу сабабли у оғир меҳнат билан шуғуллана олмайди. Унинг рафиқаси ҳам ишсиз. Уларнинг кичик ёшдаги эгизак фарзандлари бор. Оила атрофдагиларнинг хайр-саховати ва моддий ёрдами эвазига кун кечиради.
Оиланинг иқтисодий-ижтимоий шароити оғир аҳволда. Уларнинг ёрдам берадиган қавм-қариндошлари ҳам йўқ. Сайёр қабул вақтида бу оилага моддий ёрдам қилишга қарор қилинди. Ўзбекистон Республикаси Президенти номидан уларга 3 миллион сўм ёрдам пули ажратиладиган бўлди. Шунингдек, Ҳасан ва Ҳусан исмли фарзандлари давлат ҳисобидан боғчага жойлаштирилади, оила бошлиғи ва унинг рафиқаси эса ўз имкониятига мос ҳолда иш билан таъминланади. Уларнинг уй-жойи мутасаддилар томонидан тўлиқ таъмирдан чиқариладиган бўлди.
Шу тариқа яна бир оиланинг жамиятда муносиб ўрин эгаллашига йўл очилди.
Манба: Qalampir.uz “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ Исроилнинг икки вазирига санкция қўлламоқчи
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Ҳар қандай катта ёшдаги киши етук эмас
Пашинян Арманистоннинг Мустақиллик декларацияни энг катта муаммо ва фожиа деб атади
Буйрак саломатлиги учун энг фойдали сабзавот...
АҚШ ҳарбийлари орасида ўз жонига қасд қилиш кўпайди
Боррел ЕИнинг Исроил билан мулоқотини тўхтатишни таклиф қилди
Яхши пишган ва мазали анор танлашга ёрдам берадиган тавсиялар
