22:18 / 30.08.2017
7 673

МТРКда анъанавий тарзда раҳбар ўзгариши: Алишер Хўжаев ўз лавозимига қайтди

МТРКда анъанавий тарзда раҳбар ўзгариши: Алишер Хўжаев ўз лавозимига қайтди
30 август куни Ўзбекистон МТРК раислигига мазкур даргоҳда 12 йил давомида раҳбарлик қилган Алишер Жўрақулович Хўжаев раис этиб тайинланди.

Аввалроқ, Алишер Хўжаев Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси раисининг ўринбосари лавозимига тайинлангани ҳамда Ўзбекистон Миллий телерадиокомпанияси раиси Бобур Алихонов лавозимидан олингани ҳақида хабар берган эдик.

Алишер Хўжаев 29 август куни лавозимдан олинган Бобур Алихонов ўрнини эгаллади.

Маълумот учун, Алишер Хўжаев 1963 йили Тошкент вилоятида туғилган. 1985 йили Самарқанд давлат университетини физика мутахассислиги бўйича тамомлаган.

2001–2002 йилларда Ўзбекистон Президенти ҳузуридаги Миллий хавфсизлик кенгаши котиби ўринбосари, 2002–2005 йилларда Ўзбекистон Алоқа ва ахборотлаштириш агентлигининг раҳбари ўринбосари сифатида фаолият кўрсатган. 2005 йилнинг 15 апрелидан Ўзбекистон Телерадиокомпаниясига раис этиб тайинланган эди.

Манба: Qalampir.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » МТРКда анъанавий тарзда раҳбар ўзгариши: Алишер Хўжаев ўз лавозимига қайтди