Туркиянинг Истанбул шаҳри, Бакиркўй туманига яқин жойда ўзбек аёллари мардикорлик ишлари учун ҳар куни мижоз қидиради. Гунгўрен мавзесида йиғилган аёллар CNN Турк телеканали мухбири Фуля Ўзтурк билан суҳбатлашиб, «ҳар куни эрталабдан шу жойга келиб туришлари ҳамда саккиз соатгача мижоз кутиб қолиши» ҳақида сўзлаб берди, деб ёзмоқда Кун нашри.
Кундалик ишларга жалб қилинувчи асли ўзбекистонлик бўлган ўнлаб аёллар «иш топиб берувчи воситачилар орқали ҳам» меҳнат қилишини таъкидламоқда.
Ўзбекистонда фаолият олиб борувчи таниқли блоггер, Ziyouz портали асосчиси Давронбек Тожалиевнинг айтишича, «аввало миллатдош аёлларимиз ўз юрти ва яқинларидан йироқда ҳалол ва яхши ишларга боряптилар деб гумон қиламан. Ҳар не бўлганда ҳам миллатдош аёлларнинг ўзга юртда (ўз юртимизда ҳам) мардикорликка чиқиши миллат эркаклари учун иснод».
«Ўз аёлига эга чиқолмаган (миллат) эркак бир кун бошқаларга қул бўлишга маҳкумдир. Илк бор аёллар мардикор бозори ҳақида 2000 йиллар бошида Тошкентда ўқиб юрганимда эшитгандим. Жуда хунук эшитилганди бу сўз. Аста-секин водийда ҳам шундай бозорлар «очилди». Қозоғистон, Россияда мардикорлик қилаётган аёллар ҳақида хабарлар келди. Бунинг сабаб ва факторларига тўхталиб ўтмоқчи эмасман. Оғир мавзу», деб ёзади Тожалиев ўзининг ижтимоий тармоқдаги саҳифасида.
Аёллар кундалик юмушларни бажариш учун ёлланма меҳнаткашлар бозорига чиқиши айниқса пойтахт Тошкент шаҳрида авж олган бўлиб, ундаги аксарият мардикор аёллар пойтахт теварагидан келган, Тошкентда доимий турар жойга эга бўлмаган фуқаролар ҳисобланади.
“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Трампнинг ўғли Зеленский яқин орада «нафақадан» маҳрум бўлишини ёзди
Эрдўғон Туркия Исроил билан алоқаларини узганини маълум қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Рақобат қўмитаси биржада Аи-80 бензини бошланғич нархига чеклов ўрнатди
Иммунитетни кўтариш учун 6 та энг яхши витамин
Киев: Трамп инаугурациясигача «тинчлик режалари» ҳақидаги гаплар асоссиз
Самарқандда вояга етмаган қизни зўрлаганликда гумонланиб 8 киши ушланди
Кўкрак бези саратони сабаблари, белгилари ҳамда уни даволаш
