Ўзбекистондан Қирғизистонга катта миқдорда валюта олиб ўтилиши тўхтатиб қолинди

Боткент вилоятида Қирғизистон фуқароси катта миқдордаги валюта билан қўлга олинди. Бу ҳақда Қирғизистон давлат чегараларини қўриқлаш хизмати маълумотига асосланиб Kun.uz сайти хабар қилди.

Маълум қилинишича, Қадамжо туманининг Исамайрам қишлоғида, Ўзбекистондан Қирғизистонга кириб келган шахс 135 минг доллар миқдоридаги маблағ билан қўлга олинган.

Тергов чоғида у бу пулларни Ўзбекистондаги жўнатувчидан бошқа бир Қирғизистон фуқаросига олиб бораётганини айтиб берган. «Замин»ни Telegram’да ўқинг!