Ўзбекистон Ёшлар иттифоқи Ургут тумани 46-умумтаълим мактаби Ёшлар етакчиси Фирдавс Очилов ўз хонасини ўқувчилар талпинадиган, режалари ва мақсадлари билан баҳсга киришадиган масканга айлантирган, деб ёзади ЎзА.
Бугун унинг ҳаётидаги унутилмас кун. Ўзгаларга ёрдам қўлини чўзиш, кам таъминланганларга беминнат ёрдам кўрсатиш, оғирини енгил қилишга ўрганган йигит бу гал ҳам навбатдаги савобли ишга қўл урди.
Фирдавс Очилов ўз никоҳ тўйи арафасида Ёшлар иттифоқи Ургут туман Кенгашига мурожаат қилиб, тумандаги кам таъминланган оилалар фарзандлари рўйхатини олди. У ўз тўйида уларнинг суннат тўйини қўшиб ўтказмоқчи бўлди. Унинг ташаббуси тўлиқ қўллаб-қувватланди. Бугун Фирдавс Очилов тумандаги кам таъминланган 5 нафар оила фарзандларининг суннат тўйини ўз тўйига қўшиб ўтказиб берди.
Бу ташаббусни Ургут туман ҳокимлиги, Ёшлар иттифоқи вилоят Кенгаши қўллаб-қувватлади. Никоҳ ва суннат тўйида иштирок этиб, ўз совғаларини тақдим этди.
— Савоб иш, аввало, амалга оширган инсоннинг кўнглини поклайди. Мен бугун ўзимни икки карра бахтли ҳис қиляпман. Бу болалар келажакда яхши билим олиб, ватанимизга, халқимизга хизмат қиладиган йигитлар бўлишига ишонаман, — дейди Фирдавс Очилов.
Ҳозиргина куй-қўшиқ садолари тинди. Ихчамгина ўтган тўй йиғилганлар кўнглини ҳам шод этди! “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия армияси Купянскка киргани айтилмоқда
Эрдўғон Туркия Исроил билан алоқаларини узганини маълум қилди
НАТО бош котиби Украинанинг фронтдаги аҳволи ёмонлашганини тан олди
АҚШ ҳарбийлари орасида ўз жонига қасд қилиш кўпайди
Боррел ЕИнинг Исроил билан мулоқотини тўхтатишни таклиф қилди
Рақобат қўмитаси биржада Аи-80 бензини бошланғич нархига чеклов ўрнатди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
АҚШ Исроилнинг икки вазирига санкция қўлламоқчи
