Қандай фаолият турлари 2023 йилга қадар барча турдаги солиқ ва мажбурий тўловлар тўлашдан озод қилинди?

  • 23-01-2018, 14:44
  • 1 361
  • Жамият
  • Қандай фаолият турлари 2023 йилга қадар барча турдаги солиқ ва мажбурий тўловлар тўлашдан озод қилинди?
    “Фаол тадбиркорлик, инновацион ғоялар ва технологияларни қўллаб-қувватлаш йили”да амалга ошириладиган Давлат дастурини тасдиқлаш тўғрисидаги Президент Фармони билан қуйидагилар 2023 йил 1 январга қадар муддатга ягона ижтимоий тўловдан ташқари, барча турдаги солиқ ва мажбурий тўловлар тўлашдан озод қилинди:
    • юқори технологияли тадбиркорлик лойиҳалари-стартапларни биргаликда молиялаштириш учун ташкил қилинадиган венчур фондлар;
    • венчур фондлардан биргаликда молиялаштириладиган юқори технологияли лойиҳалар-стартаплар;
    • илмий-тадқиқот муассасалари, инновацион марказлар, лойиҳа-конструкторлик бюролари ўзларининг янги технологияларини тадбиркорларга сотишдан (фойдаланишга беришдан) олинган даромадлар бўйича;
    • янги технологияларни маҳаллий тадбиркорликка трансфер қилувчи ташкилотлар бу фаолиятдан олинган даромадлари бўйича.

    Ахборот технологиялари ва коммуникацияларини ривожлантириш вазирлиги электрон тижорат соҳасида махсус ваколатли давлат орган этиб белгиланди.

    » » Қандай фаолият турлари 2023 йилга қадар барча турдаги солиқ ва мажбурий тўловлар тўлашдан озод қилинди?