
Тошкент шаҳар ИИББ томонидан пойтахт меҳмонларига хизмат кўрсатиш мақсадида, шаҳарда “махсус патруль” гуруҳлари ташкил этилди. Бу ҳақда ИИББ ахборот хизмати хабар бермоқда.
Ушбу гуруҳлар замонавий кийим-кечак, махсус анжом ва техника воситалар билан таъминланди.
“Махсус патруль” гуруҳлари томонидан шаҳар фуқаролари ҳамда чет элдан келган меҳмонларга сифатли хизмат кўрсатиш мақсадида, пойтахтнинг “Тошкент вокзали”, “И.Каримов Халқаро Аэропорти” ва “Мустақиллик майдони” объектларида хизмат олиб боришлари йўлга қўйилди.
Замонавий уяли телефон воситасига юкланган “Транслейтер” дастурий тизими ёрдамида, меҳмонлар билан чет тилларда овозли таржима орқали мулоқот қилиш ҳамда “Навигатор” дастурий тизимидан фойдаланган ҳолда пойтахтимизнинг турли манзиллари ва жойлари юзасидан электрон харита орқали маълумотлар тақдим этиб ёрдам кўрсатиш имкониятлари яратилди.








Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар