12:20 / 24.03.2018
4 706

Иссиқкўлгача поезд қатнови йўлга қўйилди

Иссиқкўлгача поезд қатнови йўлга қўйилди
Фото: «Газета.uz»
22 мартдан ёзги мавсум учун «Тошкент-Бишкек-Балиқчи-Тошкент» йўналиши бўйича темир йўл алоқаси ишга туширилди.

«Ўзбекистон темир йўллари» АЖ матбуот хизматидан «Газета.uz"га хабар қилинишича, Иссиқкўл қирғоғигача ҳафтанинг пайшанба кунлари Тошкент Марказий вокзалидан 20:50 да йўлга чиқилади.

Йўлга 25 соату 39 дақиқа сарфланади. Бишкекка поезд 16:03 да етиб боради, Балиқчи посёлкасига эса — 22:29 да. Тошкентга поезд шанба куни 1:59 да отланиб, якшанба куни 5:30 да пойтахтга етиб келади.

300 йўловчига мўлжалланган поезд биринчи синф (CB), 5 купе, 2 та плацкарт ва вагон-ресторанни ўз ичига олади.

Иссиқкўл билан темир йўл алоқасини ўрнатиш тўғрисидаги келишув Қирғизистон президенти Сооронбай Жээнбековнинг Тошкентга ташрифи вақтида имзоланган эди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Иссиқкўлгача поезд қатнови йўлга қўйилди