Шавкат Мирзиёев эртага Бухоро ва Навоий вилоятларига боради

Ўзбекистон Президенти Шавкат Мирзиёев 19 апрель куни Бухоро ва Навоий вилоятларига ташриф буюради. Бу ҳақда президент матбуот котиби Комил Алламжонов расмий саҳифасида хабар берган.

Давлат раҳбари Бухорода «Ўзбекнефтгаз» миллий холдинг компанияси билан Россиянинг «Лукойл» компанияси ҳамкорлигида қурилган Қандим газни қайта ишлаш мажмуасининг очилиш маросимида иштирок этади.

«Навоийазот» акциядорлик жамияти томонидан жаҳон бозорида харидоргир кимё маҳсулотлари ишлаб чиқарадиган учта завод барпо этилмоқда. Президент Навоий вилоятига ташрифи чоғида ушбу заводлар қурилишининг бориши билан танишади.

Эслатиб ўтамиз, президент шу йилнинг февраль ойида ҳам Бухорода бўлиб, жойларда олиб борилаётган ишлар билан танишган, вилоят фаоллари билан йиғилиш ўтказганди. «Замин»ни Telegram’да ўқинг!