Тошкент шаҳар ички ишлар бош бошқармаси хабарига кўра, Юнусобод тумани ИИО ФМБ 5-сон ИИБ ходимлари томонидан ўтказилган тезкор тадбир натижасида 1978 йил Тошкент шаҳрида туғилган Д.Акромов (исмлар ўзгартирилган) хонадонидан 1 та 12 калибрли ТОЗ-43 русумидаги ов милтиғи, 1 та пневматик қурол, 29 дона фойдаланилмаган ов ўқи, 59 дона фойдаланилган ов милтиғи ўқи борлиги аниқланди ва тегишли тартибда олиб қўйилди.
Маълум бўлишича, қуроллар Д.Акромовнинг 2004 йилда вафот этган отасига тегишли бўлган. Бироқ фуқаро шу вақтга қадар уларни ҳуқуқ посбонларига топширмай ўз уйида ноқонуний равишда сақлаб келган.
Баллистик экспертиза хулосасига кўра, қурол-аслаҳаларнинг маълум бир қисми фойдаланишга яроқли. Шу боис фуқарога нисбатан Ўзбекистон Республикаси Жиноят кодексининг 248-моддаси (Қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш) 1-қисми билан жиноят иши қўзғатилди.
Тошкент шаҳар ИИББ пойтахт аҳолисидан рухсат этилган тегишли ҳужжатларсиз сақланаётган қуроллари бўлса, ҳуқуқни муҳофаза қилувчи органларига топширишларини сўрайди. Эслатиб ўтамиз, қуролларни ихтиёрий равишда топширган фуқаролар жиноий жавобгарликдан озод этилади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Терактдан кейин Россиядаги Тожикистон фуқаролари нафрат ва тажовузга дучор бўлмоқда
АҚШ расмийлари: Миллионлаб америкаликлар хитойлик ҳакерлар ҳужумига учраган
Россиялик терговчилар терактда айбланаётганлар оиласини сўроқ қилиш учун Тожикистонга келди
АҚШ полициячиларининг «ақлли қарори» Legoга маъқул келмади
Россия қўшинлари Авдеевкадаги иккита қишлоқни эгаллаб олди
Россиянинг ҳарбий операциядаги манёври Украинани ҳайратга солди
Эрдўғон террорчилар ҳақида кескин гапирди
Россия Украинанинг ҳарбий дрон йиғув иншоотларини йўқ қилди