09:57 / 11.09.2018
5 458

Тошкент вилоятида оммавий равишда чўчқа боқилмоқда (видео)

Тошкент вилоятида оммавий равишда чўчқа боқилмоқда (видео)
Тошкент вилоятининг Пискент туманидаги Акмал Икромов ва бошқа қўшни посёлкаларида чўчқа боқилаётгани аҳоли норозилигига сабаб бўлаётгани ҳақида “Замон” информацион дастурида маълум қилинди.

Хабар қилинишича, бу ерда 280 та дала ҳовли мавжуд. Аҳоли асосан боғдорчилик, узумчилик билан шуғулланиши лозим. Баъзида эса чорва молларини белгиланган ҳолда боқишга рухсат этилади.

Аҳолининг мурожаат қилишига атрофга тарқалган бадбўй ҳид сабаб бўлган. Бу ерда яшовчиларнинг қарийб 90 фоизи чўчқа боқиш билан шуғулланади. Мазкур ҳолатлар юзасидан тайёрланган видеолавҳани ушбу ҲАВОЛА орқали кўришингиз мумкин.

Мазкур масала юзасидан Тошкент вилояти ҳокимлиги, Давлат санитария-эпидемиология назорат маркази ва бир қатор мутассадди ташкилотлар иштирокида ўрганиш ишлари олиб борилган ва ушбу дала ҳовлиларда 42,6 гектар майдон ўз бошимчалик билан эгалланган ер майдони, 189 та норасмий чиқиндихоналар борлиги ва улар ўта антисанитар ҳолатдалиги, ноқонуний боқилаётган ҳайвонларнинг ахлат йиғиндилари тўғридан тўғри очиқ майдонларга оқизиб юборилаётганлиги ҳолатлари кузатилган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)