Оққўрғон туманида ариқ сувига тушган олти киши сурати ОАВга сиздирилган бир пайтда, ушбу ҳолатга ўхшаш, аммо қўлларида кесак кўтарган бошқа олти кишининг сурати ҳам тарқалганди. «Kun.uz» бу воқеа Бекобод туманида юз бергани, суратдаги шахслар яхши тайёрланмаган майдонга буғдой уруғини қадашга рухсат бергани учун шу ишга мажбур қилингани ҳақида хабар берганди.
Маълум бўлишича, улар Бекобод тумани Қишлоқ хўжалиги бўлим бошлиғи, Ўзбекистон фермер, деҳқон хўжаликлари ва томорқа ер эгалари кенгаши туман бўлими раиси, Тошкент вилояти сув хўжалиги бошқармаси бошлиғи, Бекобод туман ҳокимининг қишлоқ хўжалиги масалалари бўйича ўринбосари, Бекобод тумани Ер ресурслари ва кадастр бўлими бошлиғи ҳамда Бекобод туман Сув хўжалиги бўлими бошлиғидир.
Мухбир кесак кўтарган олти кишидан бири билан суҳбатлашишга муваффақ бўлди. Бироқ, у ҳам воқеа тафсилотларини тўлиқ айтиб беришдан ўзини тийиб турди.
«Мен воқеа жойига сал кеч қолиб келдим. Улар кесакни нега кўтариб олганига тушунмай, қаторга қўшилдим. Мен ҳам кесакни қўлга олдим», дейди у.
Суҳбатдошнинг таъкидлашича, «гап эшитиб қолишдан қўрқиб» у ҳам кесакни кўтараверган. Оққўрғон туманида сувга тушган олти кишидан бири ҳам деярли шу мазмундаги изоҳни берганди. Шунга қарамай, воқеа тафсилотлари билан таниш бўлган ҳокимият вакилига кўра, бу «яхши тайёрланмаган майдонга буғдой уруғини қадалиши»га йўл қўйган масъуллар учун тайинланган жазо бўлади.
Бизга маълум бўлишича, Ер ресурслари ва кадастр бўлими бошлиғи Абдулла Умаров ушбу воқеадан сўнг ўз ихтиёри билан ишдан бўшашга қарор қилган. Умаров тўсатдан бундай қарорга келганига нима сабаб бўлган? Буни аниқлаш учун Абдулла Умаров билан боғланишга қилинган ҳар қандай ҳаракат бесамар якунланди.
Нашр суриштирувига кўра, Бекобод тумани Қишлоқ хўжалиги бўлим бошлиғи ўша куни уйга қайтмаган. Унинг турмуш ўртоғи айтишича, орадан икки кун ўтиб туман прокуратурасидан эрининг дараги чиққан.
«Туман прокуратурасидан қўнғироқ бўлиб, эримнинг иссиқ кийимларини келтиришимизни сўрашди. Шундан сўнг, биз унинг қаерда эканидан хабар топдик. Иссиқ уст-бош бераётганимда эримнинг эгнидаги костюм тупроқ аралаш кир бўлиб қолганидан шубҳаландим. Кейинроқ, интернетда тарқаган сурат орқали аслида нима бўлганини билиб олдим», дейди у.
Айни пайтда унга нисбатан ЖК 167-моддаси 3 қисми, 205- ва 211-моддаларида назарда тутилган жиноятларни содир этганликда айбланиб, тергов даврида эҳтиёт чораси сифатида қамоққа олинган.
Бекобод туман прокурори ўринбосарининг «Kun.uz»га маълум қилишича, унга нисбатан юритилаётган жиноят иши ва «кесак кўтариш» ўртасида алоқадорлик йўқ.
«Ушбу иш Тошкент вилояти прокуратураси томонидан олиб борилмоқда. Қолаверса, тергов сирига оид маълумотларни ошкор эта олмайман», дейди прокурор ўринбосари.
Кесак кўтарган бошқа раҳбарлар бамисоли қумга сингган томчидек йўқолган, уларни на иш жойидан, на уйидан топиш мумкин. Масалан, Ўзбекистон фермер, деҳқон хўжаликлари ва томорқа ер эгалари кенгаши туман бўлими раиси Улуғбек Худойбердиев прокуратурада сўроқ қилинаётгани айтилса, бошқаси «муҳим топшириқ билан» иш жойини тарк этгани билдирилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Эрон президенти жиддий баёнот берди: «Исроилдан ҳеч нарса қолмайди»
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
