07:58 / 18.12.2018
4 015

143 миллион сўмдан кўп маблағни ўзлаштириб юборган банк ходимлари қўлга олинди

143 миллион сўмдан кўп маблағни ўзлаштириб юборган банк ходимлари қўлга олинди
Жиззах вилояти Фориш тумани электр тармоқлари корхонаси ходими Х.Т., АТ Халқ банки туман филиали ходими Ш.Х. ҳамда “Ипотекабанк” Жиззах филиали ходими Р.Р. ўзаро тил бириктириб амалга оширган қинғир иш фош этилди. Бу ҳақда ЎзА хабар берди.

Мажбурий ижро бюроси Жиззах вилояти бошқармаси Фориш тумани бўлими томонидан аниқланган бу “иш” қандай бўлган эди?

Ўзаро келишган электр тармоқлари корхонаси ва банк ходимлари фуқаролардан истеъмол қилинган электр энергияси учун тўловларни нақд пул шаклда қабул қилиб, абонент рақамларига ўтказмасдан электрон касса хотирасига сохта рақамлар киритишган. Терговгача суриштирув давомида улар шу йўл билан 2016-2018 йиллар давомида жами 143 миллион 567 минг 800 сўм миқдоридаги нақд пулларини ўз эҳтиёжлари учун ўзлаштиргани маълум бўлди.

Мазкур ҳолат юзасидан уч ташкилотнинг учала масъул ходимларига нисбатан Ўзбекистон Республикаси Жиноят кодексининг тегишли моддаси билан жиноят иши қўзғатилган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » 143 миллион сўмдан кўп маблағни ўзлаштириб юборган банк ходимлари қўлга олинди
[/banner_pushhouse