Миллий матбуот марказида ўтказилган анжуманда Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг 2018 йилда амалга оширган ишлари ҳамда 2019 йилга белгиланган асосий вазифалари ҳақида маълумот берилди, деб хабар берди ЎзА.
Тадбирда Молия вазирлиги ҳузуридаги бюджетдан ташқари Пенсия жамғармаси ижро этувчи директори Ёрқин Турсунов ўтган йилда тизимда қилинган ишларга тўхталар экан, бу борадаги ўзгаришлар давлат раҳбари томонидан қабул қилинган фармон ва қарорлар ижроси билан боғлиқлигига алоҳида эътибор қаратди.
Қайд этилганидек, жамғарма 2018 йилги аниқланган даромадлари прогноз кўрсаткичи 24 057,1 миллиард сўмни ташкил этди. Режа эса 102,3 фоизга бажарилган. Пенсия ва ижтимоий нафақа тўловлари ўз муддатида молиялаштирилиб, тўлиқ тўланиши таъминланган. Масалан, ўтган йил 330,5 минг нафар фуқарога пенсия ва ижтимоий нафақалар тайинланган бўлса, жорий йилнинг 1 январь ҳолатига асосан пенсия ва нафақа олувчиларнинг умумий сони 3 485,9 минг нафарга етган.
2018 йил 1 январь ҳолати бўйича 65 ёш ва ундан ошган ҳамда 2010 йилга қадар пенсия тайинланган фуқароларни пенсиясида аниқланган ортиқча тўловлар қарздорликлари ҳисобдан чиқарилган бўлса, Президентнинг 2018 йил 2 июлдаги ҳамда 2018 йил 13 октябрдаги фармонларига асосан ўтган йилнинг 15 июлидан ва 1 ноябридан пенсия ва нафақаларнинг миқдорлари мос равишда 7 фоизга ва 10 фоизга оширилиши таъминланган. Шу билан бирга, пенсияни ҳисоблаш учун қабул қилинадиган ўртача иш ҳақининг энг юқори миқдорини энг кам ойлик иш ҳақининг саккиз баробаридан ўн баробарига оширилиши ҳисобига 2019 йил 1 январдан 519 минг нафардан ортиқ фуқароларнинг пенсия миқдори қайта ҳисобланганлиги ҳақида ҳам тадбирда батафсил маълумот берилди.
«Пенсия ва нафақа тўлови ведомостларини халқ банкига ва тижорат банкларига фақат электрон шаклда юбориш тизими жорий этилди. Пенсия ва нафақа тўловлари муддатида тўғри амалга оширилгани ҳамда фуқароларга пенсия миқдори ва тўлов куни ҳақида маълумот олиш имкониятини яратиш мақсадида online тарзида жорий қилинган бепул SMS-пенсия интерактив хизматига 1,9 миллион нафардан ортиқ фуқароларнинг мобил телефонлари уланди. Пенсия дастури билан ‘Электрон ҳукумат’ ахборот тизимини ўзаро электрон боғлаш натижасида фуқароларнинг паспорт маълумотлари автоматик тарзда юкланиши, шунингдек, бола туғилганда ва дафн маросими учун нафақаларни тайинлашда маълумотларни ФҲДЁ ахборот тизими маълумотлари билан электрон шаклда солиштириш механизми йўлга қўйилди – деди Молия вазирлиги ҳузуридаги бюджетдан ташқари Пенсия жамғармаси маблағларни бошқариш ва ҳисобини юритиш бошқармаси бошлиғи Нуриддин Шодихўжаев.
Тадбир якунида жорий йил Пенсия жамғармаси олдида давлат пенсия таъминоти тизимини ислоҳ қилиш концепциясини ишлаб чиқиш, ҳудудларда пенсия ва нафақаларни тайинлаш ҳамда тўлаш жараёнида коррупция ҳолатларини аниқлаш мақсадида «Сирли мижоз» тизимини жорий қилиш, фуқароларнинг нафақа ёшини белгилаш бўйича тақдим этилган таклифлар бўйича ишларни давом эттириш масалалари юзасидан ҳам фикр алмашилди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
«Реал Мадрид» устози Карло Анчелотти кечаги ғалабадан сўнг нималар деди?
Эроннинг Исроилга ҳужуми шунчаки спектакль эдими?..
“Толибон” Эроннинг Исроилга қарши ҳужумини қўллаб-қувватлади
Можародан сўнг Украинани нима кутаётгани маълум бўлди
Бухоро вилоятида «Нексия-3» автомашинаси букланиб қолди
Давлат хавфсизлик хизмати маклерларга қўшиб мансабдорларни ҳам қўлга олди
Исроил Эрон ҳужумини қайтаришга неча пул сарфлади?
