Самарқанд вилоятида кўпкари мусобақаси ғолиби Lacetti автомобилини қўлга киритди (фото)

^{Фото: ЎзА}
Самарқанднинг Жомбой туманида кўпкари бўйича жаҳон чемпионати мусобақалари ўтказилди, деб ёзади ЎзА. Ўзбекистон ва Қозоғистон чавандозлари ўртасидаги мусобақада 3:2 ҳисобида маҳаллий полвонлар ғолиб бўлди.

Самарқанддаги халқаро улоқ кўпкари мусобақасида жиззахлик полвон Ориф Шодиёров бош соврин — Chevrolet Lacetti автомобилини қўлга киритди.

^{Фото: ЎзА}
Полвон ушбу ютуққа паяриқлик Элёр Бойматовнинг «Пантера» лақабли қорабайир отида сазовор бўлди.

^{Фото: ЎзА}
Мусобақада чавандозлар 50 дан ортиқ туя ва той, шунингдек, гилам, телевизор, музлатгич каби қимматбаҳо буюмлар ва пул мукофотлари учун беллашди. Бош соврин вилоят ҳокимлиги томонидан тақдим этилди.​ “Замин” янгиликларини “Youtube”да кузатиб боринг