Касалликни даволагандан унинг олдини олган афзал

  • 30 март 2019, 16:15
  • 620
  • Жамият
  • Касалликни даволагандан унинг олдини олган афзал
    Бугун пойтахтимизнинг Олмазор туманидаги 15-оилавий поликлиникада рўйхатда турувчи 150 нафардан ортиқ аҳоли тиббий кўрикдан ўтказилди. Айни пайтда мазкур поликлиникада реконструкция ишлари олиб борилаётганлиги учун поликлиника врач ва ҳамширалари фуқароларни Олимпия маҳалла фуқаролар йиғинида текширувдан ўтказдилар.

    – Касалликни даволагандан унинг олдини олган афзал, дейди халқимиз. Шу боис аҳоли ўртасида соғлом турмуш тарзига риоя қилиш борасида тушунтириш ишларини олиб боряпмиз, тиббий кўрик давомида тиббиёт муассасаларига чиқиш имконияти бўлмаган фахрийлар, беморларнинг уйларига бориб тиббий кўрикдан ўтказиш ва соғломлаштириш чоралари ҳам кўрилмоқда, - дейди 15-оилавий поликлиника оилавий врачи Жамила Исматава.

    Тадбир давомида аҳоли махсус лабораторияда умумий қон анализи топшириб, ультратовуш текширувидан ҳам ўтказилди. Шунингдек, уларга оила шифокори ва ҳамширалари томонидан тегишли тавсиялар ҳам берилди.

    » » Касалликни даволагандан унинг олдини олган афзал