15:20 / 13.05.2019
3 789

Машҳур фокусчи Германиядан машинасида 66 кунда Хивага етиб келди (фото)

Машҳур фокусчи Германиядан машинасида 66 кунда Хивага етиб келди (фото)
2500 минг йилдан зиёд тарихга эга Хива шаҳри қиёфаси доимо маҳаллий ва хорижлик туристларни ўзига жалб қилган. Уларни мафтун этган тарихий обидалардан бири Ичан қалъа тарихий-меъморий мажмуасидир. Бу ҳақда Туризмни ривожлантириш давлат қўмитаси матбуот хизмати хабар берди.

Қалъа дарвозаси яқинида узоқ йўлга мослаштирилган машинаси олдида оиласи билан овқатланиб ўтирган сайёҳга кўзимиз тушди. Машҳур фокусчи Тоби Ван Деиснер турмуш ўртоғи ва ҳали икки ёшга тўлмаган ўғли билан Германиядан машинада 11342 километр йўл босиб 66 кунда Ўзбекистонга етиб келган. Улар Буюк ипак йўли бўйлаб саёҳатни бошлашган эди.

Сайёҳлар 10 ой ичида турли мамлакатлар ва одамларнинг яшаш тарзи билан танишишни мақсад қилишган. Улар 2019 йилнинг сентябрь ойигача Хитойнинг шимолий қисмидан жанубигача кесиб ўтмоқчи. Кейин Лаос, Таиланд ва Малайзияга бориб саёҳатни якунлайди.



– Ўзбекистонга етиб келганимизга тўрт кун бўлди. Юртингизга ўндан ортиқ давлатдан ўтиб, етиб келдик. Бу мамлакатга келиш кўп йиллик орзуйим эди. Мен юртингиз ҳақида жуда кўп китоблар ўқиганман. Ўша китоблар орқали Ўзбекистон ҳақида кўп маълумотларга эга бўлдим ва бу оиламизни ватанингизга саёҳат қилишга ундади. Турмуш ўртоғим билан мамлакатингиздаги тарихий обидалар, халқингиз урф-одатларини ўз кўзимиз билан кўришга ошиқдик.

Хивага келишдан аввал Нукусда бўлдик. Нукус билан Орол денгизи ва ҳатто Хиванинг ҳам табиати, одамлари бир-биридан фарқ қилар экан. Бу бизда катта таассурот қолдирди. Бугун Бухорога, кейин Самарқандга йўл оламиз. Хивада бир оилани учратдик. Улар бизга жуда кўп ёрдам беришди. Саёҳатимиз ҳақида батафсил маълумот polarsteps.com/sirmobi ва шахсий веб-сайтимда бериб борилмоқда, – дейди Тоби Ван Деиснер.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Машҳур фокусчи Германиядан машинасида 66 кунда Хивага етиб келди (фото)