11:49 / 30.05.2019
5 410

Ромитанлик йигитни интим видео билан шантаж қилган қиз ва унинг шериклари қўлга олинди

Ромитанлик йигитни интим видео билан шантаж қилган қиз ва унинг шериклари қўлга олинди
2019 йил 20 май куни Бухоро вилоят ИИБ ЖҚБ ходимлари томонидан ўтказилган тадбир давомида Бухоро шаҳрида яшовчи, 1996 йилда туғилган З.Ж. ва унинг шериклари — Ромитан туманида истиқомат қилувчи Б.Қ. ва Н.Ғ. қўлга олинди.

Вилоят ИИБ матбуот хизматига кўра, йигитлар Ромитан туманида яшовчи, 1991 йилда туғилган Ш.С.ни жорий йил апрель ойида у билан жинсий алоқа бўлганлигини тасдиқловчи видеоёзувларни оиласига кўрсатиб, шарманда қилиш билан қўрқитган. Бунинг эвазига ундан Лаcетт Gentra русумли автомашина олиб бериши талаб қилинган.

Улар жабрланувчини Бухоро шаҳридаги «Ситора-Автосавдо» МЧЖ филиалида З.Ж номига Lacetti Gentra сотиб олиш тўғрисидаги шартномани расмийлаштиришга кўндириб, машина учун 128.679.875 сўм миқдордаги пулларни банкка топширтираётган вақтда ушланган.

Мазкур ҳолат юзасидан шантажчиларга нисбатан ЖКнинг 165-моддаси 3-қисми «а» банди билан жиноят иши қўзғатилиб, Б.Қ ва Н.Ғ.га нисбатан гаров, З.Ж.га нисбатан қамоққа олиш тарзидаги эҳтиёт чораси қўлланган.

Ҳозирда дастлабки тергов ҳаракатлари олиб борилмоқда.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Ромитанлик йигитни интим видео билан шантаж қилган қиз ва унинг шериклари қўлга олинди