ИИВ ёниб кетган юк машиналари бўйича расмий маълумот берди

  • 11 июнь 2019, 14:41
  • 1 066
  • Жамият
  • ИИВ ёниб кетган юк машиналари бўйича расмий маълумот берди
    Фото: ИИВ ахборот хизмати
    Жорий йилнинг 10 июнь куни тахминан соат 05.40 ларда Бухоро вилоятида, шу куни соат 17.05да Тошкент вилоятида юк машиналар билан юз берган ёнғин юзасида Ички ишлар вазирлиги расмий маълумот берди.

    «Зангиота туманида яшовчи 22 ёшли А.А. бошқарувидаги « ЗИЛ-131» русумли юк автомашинасини « Жийдали» маҳалласи ТХАЙ кўчасида ҳайдаб кетаётган вақтида юк автомашинасида ёнғин содир бўлган. Кўрилган чоралар натижасида ёнғин ўчирилган.

    Ёнғин оқибатида юк автомашинасининг кузов ости қисми ёниб зарар кўрган ва юк автомашинаси йўловчиси 21 ёшли С.С. куйиш жароҳатлари билан касалхонага ётқизилган. Ёнғин келиб чиқиш сабаблари ва келтирилган моддий зарар миқдори аниқланмоқда.

    Бухоро вилоятининг Ғиждувон туманида яшовчи 59 ёшли Р.Н. бошқарувидаги « КамАЗ» юк автомашинасини « Зарангари» МФЙ Урганжи қишлоғи ҳудудида ҳайдаб кетаётган вақтида юк автомашинасига ўрнатилган газ баллони портлаб кетиши оқибатида юк автомашинасида ёнғин содир бўлган. Кўрилган чоралар натижасида ёнғин ўчирилган.

    Фото: ИИВ ахборот хизмати
    Оқибатда юк автомашинасининг салон қисми ёниб зарар кўрган. Жароҳат олганлар йўқ», — дейилади расмий хабарда.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » ИИВ ёниб кетган юк машиналари бўйича расмий маълумот берди