Тошкент шаҳрига янги прокурор тайинланди

  • 15 июль 2019, 23:30
  • 1 003
  • Жамият
  • Тошкент шаҳрига янги прокурор тайинланди
    Ўзбекистон Республикаси Бош прокурорининг буйруғига асосан 3-даражали Давлат адлия маслаҳатчиси Баҳриддин Баҳодирович Валиев Тошкент шаҳар прокурори лавозимига тайинланди. Бу ҳақда Бош прокуратура матбуот хизмати хабар бермоқда.

    У бу лавозимда 2017 йил ёзидан буён ишлаб келган ва шу кунларда ишдан олинган Шерзод Облоқулов ўрнини эгаллади.

    Баҳриддин Валиев аввал ҳам (2010 йилгача) Тошкент шаҳри прокурори бўлган.

    У 2017 йилнинг мартида Ўзбекистон Республикаси Конституцияси ва «Прокуратура тўғрисида»ги Қонунига асосан Бухоро вилояти прокурори этиб 5 йил муддатга тайинланган ва мазкур прокуратура ҳайъати раиси этиб тасдиқланганди.

    Бундан аввалроқ Мирзо Улуғбек тумани прокурори Тимур Нормуҳаммедов эгаллаб турган лавозимидан озод этилгани хабар қилинганди.

    » » Тошкент шаҳрига янги прокурор тайинланди