Куракда турмайдиган «сюрприз»лар... (видео)

  • 19 август 2019, 14:04
  • 1 522
  • Жамият
  • Куракда турмайдиган «сюрприз»лар... (видео)
    Ижтимоий тармоқлар мавжуд экан, кунда кунора бир оҳари тўкилмаган мавзу. Айниқса, тўй ва туғилган кун каби тадбирларда янгидан-янги пайдо бўлаётган «урф-одатлар» одамни шошириб қўяди.

    Юзга чапланган торт
    Туғилган куни бўлган одамнинг кайфияти бошқача бўлади. Айниқса, туғилган куни нишонланаётган «айбдор»га билдирилган эзгу тилаклар, кутилмаган совғаю сюрпризларни айтмайсизми? Ушбу кунда билдириладиган тилак ва SMS-хабарлар, турли суратлар, ҳазилнома шеърлар битилган мултфилм қаҳрамонлари сурати туширилган откриткалар беғубор болаликни эслатади, кайфиятингизни кўтаради. Ўша куни энг ҳазилкаш инсон ҳам туғилган куни бўлаётган «айбдор»га беозор ҳазил қилишга уринади.

    Яқинда ижтимоий тармоқларда тарқалган йигитлар нишонлаётган туғилган кунни нима деб баҳолашни билмадим. Тарқалган видеода кўрсатилганидек, йигит кечаси ўртоқларининг олдига чиқади. Уни кутиб турган дўстлари яширинган жойидан чиқиб куракда турмайдиган «сюрприз»ларини намойиш қилишади. Туғилган куни бўлаётган йигитнинг юзига торт чаплашганини кўриб бундан ортиқ одамнинг устидан кулиш мумкинми, деб ўйладим. Дўстлари балки унга унутилмас «совға» қилишмоқчи бўлгандир. Тортнинг ортидан кетчуп, майонез яна аллақандай ичимликни бошидан, елкаларидан қуйишди. Охирида эса тарвузни йигитнинг бошида пачақлашди. Бирам хунук ва беўхшов манзара.

    Сўнгги тарқалган видеодаги ҳолат ҳаммасидан ошиб тушди: туғилган куни нишонланаётган йигитни дўстлари дарахтга боғлаб (!), уни аёвсиз «сийлашган».

    Европа ёшлари космосга учмоқда, Бизнинг ёшлар-чи? Бизнинг ёшлар нима қилаётганини яхшиси ўзингиз кўринг. 👇👇👇 https://t.me/joinchat/AAAAAELYRsl0iJ4ctJj0og

    Опубликовано Аваз Бек Суббота, 17 августа 2019 г.

    Ҳамма нарсада меъёр бўлгани яхши экан-да: Ҳазилда, ҳам, жинниликда, бебошликда ҳам. Бизга нонни тескари қўйма, ушоқни ерга тўкма деб ўргатишган. Тортнинг ҳам таркибида ун борлигини ҳисобга оладиган бўлсак уни ерга чаплаш, эзғилаш қанчалик тўғри? Айниқса, одамнинг юзига ишқалаш ҳеч бир қолипга сиғмайди. Ёки бўлмаса егуликни мана шундай оёқ ости қилиш мумкинми? Ўйлаб қолдим «Хафа бўлиш йўқ» каби кўрсатувларнинг бераётган натижаси эмасмикан бу? Қолаверса, мана шундай аҳмоқлик учун сарфланган маблағга бирор жойда ўтириб овқатланиш, кинога тушиш ёки бирон эсда қоларли совға олиш мумкин эмасми?
    Барно Султонова

    Манба: Xabar.uz

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Куракда турмайдиган «сюрприз»лар... (видео)