Бугун, 20 сентябрь куни, Олий Мажлис Сенати биносида тўйлар, оилавий тантаналар, маърака ва маросимлар ўтказилишини мувофиқлаштириш бўйича Республика комиссиясининг дастлабки мажлиси ўтказилди. Унда сенаторлар ва депутатлар томонидан қабул қилинган “Тўйлар, оилавий тантаналар, маърака ва маросимлар ўтказилишини тартибга солиш тизимини янада такомиллаштириш тўғрисида”ги қўшма қарори ижросини таъминлаш масалалари ўзаро муҳокама қилинди. Анжуманда Комиссия раиси, сенатор Иқбол Мирзо қўшма қарор бўйича халқнинг муносабати, ушбу ҳужжатнинг аҳамияти ҳақида фикрларини билдирди.
“Ушбу қўшма қарор қабул қилингандан кейин ижтимоий тармоқда жуда кўплаб муҳокамалар бўлди. Асосий кўтарилган масала бу фуқароларнинг Конституцияда белгиланган эркинлик ҳуқуқларини чеклаб қўймайдими, деган мунозаралардир. Бу чекловларни ёқтирмаган одамлар турли йўллар билан найранг қилишга ҳаракат қилишди. Юристларимиз бу фикрни кескин рад қилиб, бу ерда инсоннинг ҳеч қандай ҳуқуқлари бузилмаганлигини асослаб беришди. Биз одамларга тўйини тартибли ўтказишларини, ортиқча дабдаба қилиб камбағал одамларнинг иззат-нафсига тегмасликларини, бошқаларнинг тинчини бузмасликларини сўраяпмиз, холос. Уларни инсофга қайтармоқчимиз. Агар инсофга чақириш Конституцияга зид келса, буни алоҳида кўриб чиқиш керак.
Муҳокамаларга сабаб бўлган иккинчи масала - тўйларга ички ишлар ходимлари аралашуви. Мақсад тўй ҳақида ички ишлар бошқармаларини хабардор қилиб қўйишдир. Уларнинг вазифаси тўй кортежлари ҳаракатланаётганда хавфсизликни таъминлаш, тўйхоналарда тартибни сақлаш ҳисобланади. Одамлар ички ишлар ходими тўйхоналарга кириб меҳмонларни санайдими, деган фикрга боришяпти. Ундай эмаслигини тўғри тушунтиришимиз керак.
Иқбол Мирзонинг таъкидлашича, сенатор ва депутатларнинг ушбу қарори халқ учун жуда зарур эди. Баъзи одамлар бошқа муҳим ва ҳал қилиниши зарур бўлган масалалар ҳам бор, қонун чиқарувчилар бекорчими, деб иддао қилишди. Аслида, бу муаммо анча йиллардан бери халқни эзиб келяпти ва у тартибга солинишга муҳтож. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Терактдан кейин Россиядаги Тожикистон фуқаролари нафрат ва тажовузга дучор бўлмоқда
АҚШ расмийлари: Миллионлаб америкаликлар хитойлик ҳакерлар ҳужумига учраган
Россиялик терговчилар терактда айбланаётганлар оиласини сўроқ қилиш учун Тожикистонга келди
Россиянинг ҳарбий операциядаги манёври Украинани ҳайратга солди
Эммануэл Макрон: “Украина тез орада қулаши мумкин”
Россия қўшинлари Авдеевкадаги иккита қишлоқни эгаллаб олди
Эрдўғон террорчилар ҳақида кескин гапирди
Россия Украинанинг ҳарбий дрон йиғув иншоотларини йўқ қилди