Қозоғистонликлар ўзбек отларига тан берди

^{Фото: Мудофаа вазирлиги}
Қозоғистон “Жануб” Регионал қўмондонлиги қўмондони генерал-майор Кайдар Каракулов бошчилигидаги делегация Нукус ва Урганч гарнизонларидаги ҳарбий қисм ва муассасаларда бўлди. Бу ҳақда Мудофаа вазирлиги Ахборот ва оммавий коммуникациялар департаменти хабар берди.

Ташриф давомида қозоғистонлик ҳарбийларга мини-полигондаги амалий машғулотлар, хизмат отларини минишни ўргатиш бўйича машқлар кўрсатилди. “Жануб” Регионал қўмондонлиги қўмондони Ўзбекистоннинг зотдор отларини юксак баҳолади. Бундан ташқари, ҳарбий қисмларнинг инфратузилмаси ҳамда ўқув-моддий база Қозоғистон ҳарбий делегациясида илиқ таассурот қолдирди. «Замин»ни Telegram’да ўқинг!