Шавкат Мирзиёев Фарғона ҳокимига янги вазифа топширди

  • 04 октябрь 2019, 00:30
  • 7 028
  • Жамият
  • Шавкат Мирзиёев Фарғона ҳокимига янги вазифа топширди
    Президент Шавкат Мирзиёев бугун имзолаган фармонга кўра, Фарғона вилояти ҳокими Шуҳрат Ғаниевга янги вазифа топширилган.

    Фармонга кўра, ҳокимга Халқаро ҳунармандчилик фестивалини ўтказиш доирасида Қўқон шаҳрида кенг кўламдаги ободонлаштириш ва кўкаламзорлаштириш ишларини амалга ошириш, фестиваль ва илмий-амалий конференция ўтказиладиган майдон ва ҳудудларни талаб даражасида тайёрлашни таъминлаш топширилган.

    Энди ҳар икки йилда бир марта сентябрь ойида Қўқонда Халқаро ҳунармандчилик фестивали ва фестиваль доирасида “Ҳунармандчилик ва халқ амалий санъатини ривожлантириш истиқболлари” мавзусидаги илмий-амалий конференцияни ўтказилади.

    Шунингдек, фармонда “Қўқон – Жаҳон ҳунармандчилик шаҳри” брендини кенг тарғиб этиш ва мамлакатнинг сайёҳлик салоҳиятини ошириш ҳам кўзда тутилган.

    Бундан ташқари, “Мен Қўқонга бораман” шиори остида икки босқичдан иборат қуйидаги кўргазма ва кўрик-танловлар ташкил этилади:

    биринчи босқич – туман (шаҳар)лар бўйича фестиваль ва илмий-амалий конференция ўтказиладиган йилнинг апрель ойида;
    иккинчи босқич – Қорақалпоғистон, вилоятлар ва Тошкент шаҳри бўйича фестиваль ва илмий-амалий конференция ўтказиладиган йилнинг июнь ойида.
    “Ўзбеккино” миллий агентлиги фестивални тарғиб қиладиган қисқа ва тўлиқ метражли ҳужжатли фильмлар ишлаб чиқиши белгиланган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Шавкат Мирзиёев Фарғона ҳокимига янги вазифа топширди