Тошкент вилояти Оққўрғон туманида давлатимиз раҳбарининг жорий йил 26 сентябрдаги “Ўзбекистон Республикасининг солиқ сиёсатини янада такомиллаштириш чора-тадбирлари тўғрисида”ги фармони мазмун-моҳиятига бағишланган семинар ўтказилди.
Вилоят давлат солиқ бошқармаси бошлиғи томонидан ўтказилган тадбирда тадбиркорлик субъектлари, фермер, деҳқон хўжаликлари ва томорқа ер эгалари давлат солиқ хизмати органларидан уларга бириктирилган ходимлар, импортёр корхоналар раҳбарлари иштирок этдилар.
Тадбирда Тошкент вилояти давлат солиқ бошқармаси бошлиғи мамлакатимизда солиқ сиёсатини такомиллаштириш концепциясининг қабул қилиниши, жисмоний шахслардан олинадиган даромад солиғининг ягона 12 фоизга туширилгани, эътиборлиси, тадбиркорлар учун қўшилган қиймат солиғи ставкасининг 20 фоиздан 15 фоизга, ягона ижтимоий тўлов ставкасининг эса 25 дан 12 фоизга пасайтирилгани ислоҳотлар аҳоли фаровонлигини таъминлашда муҳим омил бўлаётганини алоҳида таъкидлади.
Айтиш керакки, ҳозирги кунда Оққўрғон туманида ҚҚС тўловчиларнинг сони 261 нафарни ташкил этиб, шулардан фермерлар сони 160 нафарни ташкил этади. Ўтказилган учрашув давомида тадбиркорлик субъектларига назорат-касса аппаратларини қайта тизимлаш, муддати тугамаган шартномаларга тузатиш ҳамда бизнес субъектлари имзолаган ҳар бир шартнома қайта инвентаризация қилиниши кераклиги ҳақида ҳам тушунтиришлар берилди.
- Мен Бауржон Саурбоев Оққўрғон тумани “Хонтемир” фермер хўжалиги раҳбариман, ҳозирда 140 гектар ер майдонимиз бор, чорвачилик билан ҳам шуғулланамиз. Бугунги учрашувда мутасаддилар 50 гектардан ортиқ қишлоқ хўжалигига мўлжалланган суғориладиган ер майдонларига эга бўлган ягона ер солиғи тўловчилари қўшилган қиймат солиғи тўловчилари ҳисобланишларини айтиб ўтдилар. Бу ўз навбатида фермерлар учун анча қулайликлар яратар экан. Бизнинг фермер хўжалиги ҳам бугундан ҚҚС тўловчилар қаторига ўтди.
Шунингдек, туманда қўшилган қиймат солиғи тўловчиси сифатида рўйхатдан ўтаётган фермер хўжаликларининг бухгалтерия ҳисобини тўғри юритишларига амалий ёрдам бериш мақсадида уларга солиқ идораларининг малакали ходимлари бириктирилди.
Тошкент вилояти давлат солиқ бошқармаси
“Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
Германияда мактаб ўқувчилари оммавий равишда ислом динини қабул қилмоқда
Ўзбекистонда ўтган уч ойда қанча автомобиль ишлаб чиқарилган?
Германиянинг Knauf компанияси Россиядан бутунлай чиқиб кетишини тасдиқлади
Америкалик олимлар барча учун бирдек фойдали жисмоний фаоллик турини аниқлади
Damas учун онлайн контрактация очилади
