Фото: Видеолавҳадан скриншот
Навоий вилоятининг Учқудуқ туманида «Тез ёрдам» шифоркорлари таҳқирлангани хабарини берган эдик.
Кўп ўтмай Бош прокуратура матбуот хизмати қайд этилган ҳолат юзасидан суриштирув бошлангани, вазият Навоий вилояти прокуратураси назоратида экани ҳақида баёнот берди.
Бугун эса мазкур маҳкама матбуот хизмати раҳбари Ҳаёт Шамсутдиновнинг «Xabar.uz»га айбдорлар суд тартибида жазога тортилганини маълум қилди.
Учқудуқ тумани маъмурий суди қарорига кўра, Камол Ҳикматов (07.03.1987 йилда Бухоро шаҳрида туғилган, маълумоти ўрта, ШКБ ГТКда чилангар вазифасида ишлайди, оилали, 2 нафар фарзанди бор, муқаддам ЖКнинг 168-моддаси (фирибгарлик) билан судланган) ва Элдор Пўлатов (25.06.1991 йилда Самарқанд вилояти, Пастдарғом туманида туғилган, маълумоти ўрта, ишсиз, буйдоқ) 15 сутка (ҳар бири - таҳр.) маъмурий қамоқ жазосига тортилди. Бундан ташқари, уларга нисбатан жарима жазосига ҳам тайинланган. Негаки, ҳуқуқбузарлар МЖтКнинг (Маъмурий жавобгарлик тўғрисидаги кодекс) бир эмас, учта моддасида кўрсатилган қилмишларни содир этгани исботланган. Жазо эса ҳар бир қилмиш бўйича алоҳида-алоҳида тайинланди.
Суд қарорида ҳуқуқбузарлар ўз қилмишини тан олиб, пушаймонлик билдиришгани таъкидланади. Шунингдек, жабрланувчи (шифокор) Н.Болиқуловга ўзига етказилган моддий ва маънавий зарарлар бўйича фуқаролик судига мурожаат этиш ҳуқуқи тушунтирилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Ҳусийлар Россия нефтини олиб кетаётган кемага ракеталар учирди
Ўзбекистон U-23 терма жамоаси Индонезияни мағлуб этиб, финал ва Париж Олимпиадаси йўлланмасини қўлга киритди
Олмаотада ўликхона қўриқчиси жасадларни зўрлаганликда гумон қилинмоқда
Тошкентда «права» олиб бериш билан боғлиқ фирибгарлик ҳолатлари фош этилди
Президент Олимпиадага йўлланма олган футболчиларга табрик йўллади
Осиё кубоги: Ўзбекистоннинг ғалабасига хориждан қандай муносабат бўлмоқда?
Хитойда автомобиль йўлининг ўпирилиши оқибатида камида 24 киши ҳалок бўлди