Шофирконда хотинига тарсаки урган эркак 5 суткага қамалди

Бухоро вилоятининг Шофиркон туманида 35 ёшли эркак оилавий жанжал ортидан аёлига тарсаки туширгани учун маъмурий жавобгарликка тортилди.

Маълумотларга кўра, эр-хотин ўртасида келиб чиққан келишмовчилик жанжалга айланган ва эркак ўз аёлига шапалоқ туширган. Ушбу ҳолатдан сўнг аёл ҳуқуқ-тартибот органларига мурожаат қилган ва эркак Ички ишлар вазирлиги ходимлари томонидан тегишли тартибда кўриб чиқилган.

Суд қарорига кўра, эркак 5 сутка маъмурий қамоқ жазоси билан жазоланган. У ўз қилмишидан пушаймон эканини билдириб, жамоатчиликдан узр сўраган ҳамда келажакда бундай ҳолат такрорланмаслигини таъкидлаган.

Мутахассислар оилавий низоларни зўравонликка айлантирмаслик, ҳар қандай келишмовчиликни тинч йўл билан ҳал қилиш зарурлигини эслатмоқда. Ушбу ҳолат эса оиладаги зўравонлик учун қонуний жавобгарлик мавжудлигини яна бир бор кўрсатди.

Charos

«ZAMIN.UZ» муҳаррири

+ Zamin.uz сайтини Googleга қўшинг