2020 йилнинг 1 январидан бошлаб ер участкасини олиб қўйишга зарурат туғилганда ҳокимлик ёки инвестор ва мулкдорлар ўртасида очиқ муҳокама ўтказилади. Бунда ОАВ вакиллари иштирок этиши шарт. Шунингдек, ҳокимликлардан ер участкаси олиб қўйиш тўғрисидаги қарор қабул қилиш ваколати бекор қилиниб, бу Халқ депутатлар Кенгашига ўтказилмоқда. Бу ҳақда бугун, 22 ноябрь куни Адлия вазирлиги томонидан ўтказилган брифингда маълум қилинди.
Вазирлар Маҳкамасининг 2019 йил 16 ноябрдаги «Жисмоний ва юридик шахсларнинг мулк ҳуқуқлари кафолатларини таъминлаш ҳамда ер участкаларини олиб қўйиш ва компенсация бериш тартибини такомиллаштиришга доир қўшимча чора-тадбирлар тўғрисида»ги 911-сонли қарори билан Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисидаги низом тасдиқланди.
Тадбирда таъкидланишича, янги йилдан ҳокимлик ёки инвестор томонидан дастлабки ҳисоб-китоблар амалга оширилади, компенсация бериш учун етарли ресурслар мавжудлиги ўрганилади. Қорақалпоғистон Республикаси Жўқорғи Кенгеси, халқ депутатлари Кенгашлари томонидан ер участкаси олиб қўйилишидаги фойда ва харажатлар ўрганиб чиқилади. Ресурслар етарли бўлганида ҳамда фойда харажатлардан устун келганда ер участкасини олиб қўйиш тўғрисидаги қарор Қорақалпоғистон Республикаси Жўқорғи Кенгеси, халқ депутатлари Кенгашлари томонидан қабул қилинади.
«Олиб қўйилиши режалаштирилаётган ер участкасидаги кўчмас мулклар баҳоловчи ташкилот томонидан баҳоланади. Ҳокимлик ёки инвестор ва мулкдорлар ўртасида компенсация тури, миқдори ва бериш муддати келишилади ҳамда ушбу келишув нотариал тартибда тасдиқланади. Келишилган компенсация берилмагунча кўчмас мулклар бузиб ташланиши ва олиб қўйилишига асло йўл қўйилмайди.
Мулкдорларга келишилган компенсация берилганидан сўнг, мулкдор томонидан кўчмас мулк бўшатиб берилади, ҳокимликлар кўчмас мулкни бузиб ташлаш тўғрисидаги қарор лойиҳасини адлия органларига хулоса олиш учун юборади, адлия органлари компенсация берилганлиги, уй-жойлар амалда тўлиқ бўшатилганлиги ва бошқа ҳолатларни ўрганиб, ўз хулосасини ҳокимликларга тақдим этади.
Адлия органларининг хулосаси ижобий бўлган тақдирдагина кўчмас мулкни бузиб ташлаш тўғрисидаги қарор қабул қилинади.
Мазкур тартиб эгалик қилиш, доимий ёки вақтинчалик фойдаланиш ҳуқуқи билан тегишли бўлган ер участкаларига нисбатан татбиқ этилади, мулк ҳуқуқи асосида тегишли бўлган ер участкаларига нисбатан эса татбиқ этилмайди», — деди Адлия вазирлиги бошқарма бошлиғи Нодир Тиляев.
Алоҳида қайд этиш жоизки, Ер участкалари олиб қўйилиши, кўчмас мулк объектларини бузиб ташлаш, фуқароларни кўчириш, шунингдек, компенсациялар беришда қонун талаблари ижросини назорат қилиш прокуратура органлари томонидан амалга оширилади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
