Ватанини 14 йил олдин тарк этган Ўзбекистон фуқароси онаси билан учрашди. Онаси унинг йўқолгани ҳақида ҳуқуқ-тартибот идораларига хабар беришдан ташқари ўзи ҳам мустақил равишда ўғлини излай бошлаган. Онага бундай исмли эркак вафот этгани ҳақида хабар беришганида у бунга ишонмай излашда давом этган, деб ёзади Sof.uz.
Она ўғлини топиш масаласида ёрдам сўраб "Астарлы ақиқат" (“Яширин ҳақиқат”) ТВ дастурига мурожаат этди. У ўғли 14 йил олдин иш топиш учун мамлакатдан чиқиб кетгани, аммо бир муддат ўтганидан кейин бедарак йўқолгани ҳақида гапириб берди.
“2005 йилда у иш излаб жўнаб кетди. Биз барчамиз у тез орада уйга қайтади, деб кутдик. Кейинроқ ундан умуман хабар келмай қўйгач, акалари уни қидириб йўлга чиқди. Аммо улар укаларини тополмай қайтишди. Ўғлим яхши йигит эди, менга уйга қайтишга ваъда берганди. Эрим ўғлимнинг қайтганини кўрмасдан вафот этди”, дейди аёл.
Аммо кўрсатув асносида мўъжиза юз берди. Фарзандини кўришдан умидини узган она ниҳоят ўғли билан учрашди. Ўғил нега уйга қайтмаганини тушунтириб берди.
“Мен эндигина коллежга ўқишга кирган вақтимда Қозоғистонга бориб ишлаб келишни таклиф қилишди. Рухсат олиш учун отамнинг олдига бордим. Уйимиздаги иқтисодий ҳолат унчалик яхши бўлмагани учун ота-онамга ёрдам беришни хоҳлардим. Отам менинг кетишимга рухсат берди. Бироқ ишлаб юрганимда бир куни бор пулим ва ҳужжатларимни йўқотиб қўйдим. Биз ҳар хил объектларда ишлар, доим бир жойдан бошқасига кўчиб юрар эдик. Ҳужжатларим йўқолганини билганимда аллақачон кеч бўлганди”, деди у.
Ҳужжатлари ва пулидан айрилган йигит бир неча марта полиция бўлимига тушган. Шунинг учун полиция ходимлари ёки элчихонадан ёрдам сўрашга қўрққан. Шундай қилиб орада 14 йил ўтиб кетган.
Йигит тушида тез-тез отасини кўриб туришини, аммо унинг вафот этганини билмаганини айтди.
Йигит Қозоғистонда болали аёлга уйланган. Ўзи ҳам икки ўғил кўрган. Учрашувда у онасини хотини ва болалари билан таништирди. Кўрсатувда иштирок этаётганлар унга "Қозоғистон Америка эмаску, нега сен онангни изламадинг?" дея савол беришди. Йигит ўзи ҳам яқинларини излагани, юртига қайтмоқчи бўлгани, аммо ҳужжатлари йўқлиги боис иложсиз бўлганини айтди. У ўзга юртда қандай қийналганларини гапириб берди.
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди
