Сенат раисининг биринчи ўринбосари Содиқ Сафоевнинг фикрича, порахўрликни йўқ қилиш учун фақатгина жазо, репрессив чоралар кифоя эмас, унинг иқтисодий, ҳуқуқий, институционал ва ижтимоий илдизларини бартараф этиш лозим. У бу ҳақда Олий Мажлис Сенатининг айни пайтда давом этаётган 24-ялпи мажлисидаги маърузасида тўхталди.
Содиқ Сафоев хусусийлаштириш ва монополияга барҳам бериш масалалари коррупцияга алоқадорлиги, чунки унинг бирламчи илдизи иқтисодий тизимда экани, ўта марказлашган, иқтисодий фаолиятга нисбатан ўрнатилган турли хилдаги чекланишлар мавжуд жамиятларда порахўрликка замин яратилишини таъкидлади.
“Хабарингиз бор, бу давлат хавфсизлигига жиддий рахна солувчи жиноятга қарши мамлакатимизда тизимли ва изчиллик билан кураш олиб борилмоқда. Бироқ коррупцияга қарши кураш соҳасида кўрилаётган чора-тадбирларнинг самарасини паст. Бош прокуратура томонидан тақдим этилган маълумотига кўра, шу йил мобайнида турли вазирлик ва идораларнинг 865 нафар мансабдор шахс коррупция аломатлари бўйича жиноий жавобгарликка тортилди. Порахўрликни йўқ қилиш учун фақатгина жазо, репрессив чоралар кифоя эмас. Унинг иқтисодий, ҳуқуқий, институционал ва ижтимоий илдизларини бартараф этиш лозим”, деди Содиқ Сафоев.
Сенат раисининг биринчи ўринбосари Вазирлар Маҳкамаси ва Бош прокуратурага коррупцияга кураш соҳасидаги вазият ҳамда кўриладиган чора-тадбирларга оид парламент сўровини юборишни таклиф қилди.
Аввалроқ, Содиқ Сафоев Монополияга қарши курашиш қўмитаси ахборотини мунтазам равишда эшитиш амалиётини жорий қилиш мақсадга мувофиқлигини айтган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади