2 677
Мирзо Улуғбек туманида содир бўлган ЙТҲ оқибатида Nexia йўлда қазилган чуқурга тушиб кетди
Тошкент шаҳар Мирзо Улуғбек туманидаги Олтинтепа кўчасида 14 декабрь, шанба куни тахминан соат 19:10 да йўл-транспорт ҳодисаси рўй берди. Ҳодисага учраган автомобиль йўлда қазилган чуқурга тушиб кетди. Бу ҳақда Тошкент шаҳар ИИББ хабар берди.
Маълум қилинишича, Nexia автомобили ҳайдовчиси 39 ёшли Бобур Э. бошқарувни эплай олмаган ҳамда автомобиль огоҳлантирувчи белгиларни ва тўсиқларни четлаб, таъмирлаш хизматлари томонидан қазилган чуқурликка тушиб кетган. Ҳодиса оқибатида ҳеч ким жабрланмаган.
Nexia ҳайдовчисининг сўзларига кўра, ЙТҲга йўлда хавфли вазиятни юзага келтирган бошқа автомобиль сабаб бўлган, аммо у ўша транспорт воситаси русумини ёки давлат рақамини эслаб қола олмаган. Ушбу маълумотни текшириш бўйича чоралар кўрилмоқда, дейилади ИИББ хабарида.
Тошкент шаҳар ИИББнинг қайд этишича, чуқур қазилишига сабаб бўлган газ ўтказгичнинг таъмирлаш ишлари анча вақтдан бери олиб борилмоқда. Жорий йилнинг 22 ноябрь куни таъмирлаш бригадаси раҳбарига нисбатан ЙҲХБ ходимлари томонидан Ўзбекистон Республикаси Маъмурий жавобгарлик тўғрисидаги кодексининг 147-моддаси бўйича, яъни ишлар олиб борилган жойда қоидаларга мувофиқ огоҳлантирувчи белгилар ўрнатилмаганлиги сабабли баённома расмийлаштирилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Крокус»даги ҳужум бўйича саккизинчи айбланувчининг исми ошкор қилинди
Эрдўғон террорчилар ҳақида кескин гапирди
Россия Украинанинг ҳарбий дрон йиғув иншоотларини йўқ қилди
АҚШ расмийлари: Миллионлаб америкаликлар хитойлик ҳакерлар ҳужумига учраган
Россия Ғазога 29 тоннадан ортиқ инсонпарварлик ёрдами жўнатди
Дубай ҳукмдорининг энг гўзал қизи қандай ҳаёт кечиради?
АҚШ полициячиларининг «ақлли қарори» Legoга маъқул келмади
«Толибон» Москвадаги теракт ташкилотчиларини йўқ қилишга ваъда берди