Телеграмдаги фирибгар қўлга олинди

Замон, тараққиёт ривожланиши билан жиноятлар ҳам “замонавийлашиб” кетяпти. Бухоро шаҳрида истиқомат қилувчи Т.Ж. телеграмда канал очиб, бировларнинг пулини ноҳақ ўзлаштириш йўлига ўтиб олди.

Жумладан, у 2019 йил 1 сентябрь куни “Bukhara online shop” гуруҳини очиб, унда Туркия давлатида ишлаб чиқарилган аёллар кийимларини арзон нархларда онлайн тарзда сотилишини эълон қилган. Гуруҳга аъзо бўлган фуқаро З.Э. га ўзини Сарвиноз деб таништириб, унинг ишончини суиистеъмол қилган. “Сарвиноз” З.Э.га Туркия давлатидан арзон кийим етказиб беришни ваъда қилиб, алдаб, олдиндан тўлов сифатида 520000 сўм миқдоридаги пулларни пластик тўлов карточкасига ўтказиб олган.

Бундан ташқари, Т.Ж. ўзининг жиноий ҳаракатларини такроран давом эттириб, фуқаро Р.Ф.нинг ҳам 300000 сўм миқдоридаги пулини ўзлаштирган.
Яна бир неча ишонувчан, содда одамларнинг пул маблағларини пластик картагасига ўтказиб олган Т.Ж. охири ички ишлар ходимлари томонидан қўлга олинди. «Замин»ни Telegram’да ўқинг!