«Ёшлар (ёш фуқаролар) тушунчасини ўн саккиз ёшга тўлган ва ўттиз беш ёшдан ошмаган шахслар» деб ўзгартириш ҳақида петиция «Менинг фикрим» жамоавий мурожаатлар порталида эълон қилинди.
Унга кўра, Ўзбекистон Республикасининг «Ёшларга оид давлат сиёсати тўғрисида»ги қонунининг 3-моддасида ёшлар (ёш фуқаролар) ўн тўрт ёшга тўлган ва ўттиз ёшдан ошмаган шахслар деб белгиланган.
Ўзбекистон Республикасининг «Бола ҳуқуқларининг кафолатлари тўғрисида»ги қонунининг 3-моддасида бола (болалар) ўн саккиз ёшга тўлгунга (вояга етгунга) қадар бўлган шахс (шахслар) ҳисобланиши келтирилган.
Ўзбекистон Республикасининг «Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида»ги қонунининг 3-моддасида вояга етмаган ўн саккиз ёшга тўлмаган шахс дея эътироф этилган.
«Юқоридагилардан келиб чиқиб, амалдаги қонунчиликка мувофиқ, 14 ёшга тўлган ва 18 ёшга тўлмаган шахс — ҳам ёш, ҳам бола ва ҳам вояга етмаган шахс эканлиги келиб чиқмоқда», — деб ёзади петиция муаллифи.
Мурожаатда Ўзбекистон Республикасининг «Васийлик ва ҳомийлик тўғрисида»ги қонунининг 3-моддасида ҳомийлик — ўн тўрт ёшдан ўн саккиз ёшгача бўлган етим болаларни ва ота-онасининг қарамоғидан маҳрум бўлган болаларни, шунингдек, суд томонидан муомала лаёқати чекланган фуқароларни уларга таъминот, тарбия ва таълим бериш, уларнинг мулкий ва шахсий номулкий ҳуқуқлари ва қонуний манфаатларини ҳимоя қилиш мақсадида жойлаштиришнинг ҳуқуқий шакли ҳисобланиши белгиланган.
«Шу билан бирга, юртимизда ёшларни қўллаб-қувватлаш борасида бир қатор имтиёзлар яратиб берилган. Улардан фойдаланиш, имтиёзли ипотека кредитлари асосида турар-жойларни сотиб олиш учун, шунингдек, ёшларнинг жамиятда ўз ўрни ва йўлини топиб олишида камида 5-7 йил сарф этилади. Шунингдек, мазкур масала юзасидан биргина Ўзбекистон Ёшлар иттифоқига ҳам жуда кўплаб мурожаатлар келиб тушади. Юқоридагилардан келиб чиқиб, ёшлар (ёш фуқаролар) тушунчасини ўн саккиз ёшга тўлган ва ўттиз беш ёшдан ошмаган деб белгилаш керак», — дейилади лойиҳада.
Муаллиф томонидан Ўзбекистон Республикасининг «Ёшларга оид давлат сиёсати тўғрисида»ги қонунининг 3-моддаси учинчи хатбошидаги «ёшлар (ёш фуқаролар) — ўн тўрт ёшга тўлган ва ўттиз ёшдан ошмаган шахслар» жумласини «ёшлар (ёш фуқаролар) — ўн саккиз ёшга тўлган ва ўттиз беш ёшдан ошмаган шахслар» деб ўзгартириш таклиф қилинмоқда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Тбилисидаги намойишлар: полиция қалампир газидан фойдаланди
Германияда Геббелснинг вилласи исталган одамга бериб юборилиши эълон қилинди
Кулеба Россия қачон музокараларда иштирок этиши мумкинлиги ҳақида гапирди
Яна икки хорижий компания Ўзбекистонда пуллик автомобил йўли қуришга қизиқяпти
ЦСКА устози Федотов Аббос Файзуллаевнинг жамоага қайтгани ҳақида нима деди?
Хоразмда Эрон корхоналари учун алоҳида саноат зонаси ташкил этиляпти
Тошкент-Андижон пуллик йўли лойиҳаси 4,65 млрд долларга баҳоланди