Фото: Транспорт вазирлиги ахборот хизмати
Транспорт вазирлигида Беларусь Республикасининг «Минск автомобиль заводи» ОАЖ вакиллари билан музокаралар бўлиб ўтди. Транспорт вазири ўринбосари в.б Д.Деҳқоновнинг «МАЗ» ОАЖ бош директори ўринбосари С.Шуляк билан учрашувида корхона томонидан ишлаб чиқарилаётган турли моделдаги автобусларни Ўзбекистон бозорига етказиб бериш масалалари юзасидан фикр алмашилди.
«МАЗ» ОАЖ бош директори ўринбосари Сергей Шуляк Ўзбекистон билан йўловчи ташиш соҳасини ривожлантириш йўлида яқиндан ҳамкорлик қилишга тайёр эканлигини маълум қилди. Бунда компания имтиёзли молиялаштириш ва хизмат кўрсатишнинг тўлиқ цикли (молиялаштириш, маҳсулотларни етказиб бериш ва сервис хизматлари кўрсатиш) йўналишида ишлашга тайёрлигини билдирди.
- Компания Ўзбекистон бозорига турли ҳажмдаги ва модификациядаги автобуслар, электробуслар ҳамда аэропортлар учун перон автобусларни етказиб беришга ва бу борада ҳамкорлик алоқаларини янада ривожлантиришдан манфаатдор, - деди Сергей Шуляк.
Транспорт вазири ўринбосари в.б Д.Деҳқонов автотранспортда йўловчи ташиш соҳасида кўрсатилаётган хизматлар сифатини оширишда мавжуд автобус паркини янгилаш ўта муҳим масала эканлигини қайд этиб ўтди. Бошқа тармоқлардан фарқли равишда бугунги кунда автотранспорт соҳасида хусусий секторнинг улуши 80 фоизни ташкил этади. Вилоятларда йўловчи ташиш хизматларини кўрсатаётган корхоналарда эса ўрта сиғимли автобуслар харид қилиш бўйича талаб юқори.
Ушбу жиҳатларни инобатга олган ҳолда томонлар йўловчи ташиш соҳасида фаолият юритаётган тадбиркорлик субъектларни «МАЗ» корхонасининг маҳсулотлари билан яқиндан таништириш бўйича ҳамкорликда ишлашга келишиб олди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди