Фото: Қашқадарё вилоят ИИБ
Ҳозирги кунда дунё халқлари коронавирус пандемиясига қарши кескин чоралар кўраётган бир пайтда баъзи шахслар интернет тармоқларидаги турли хил расмий ва норасмий гуруҳ, каналлар ҳамда профиллар фуқаролар орасида таҳлика, саросима уйғотувчи ёлғон хабарларни тарқатиш билан шуғулланаётгани ачинарли.
Қашқадарё вилояти ИИБ Тезкор-қидирув ҳамкорлик бўлими тезкор ходимлари томонидан вилоят ҳудудида коронавирус инфекцияси билан боғлиқ асоссиз, ёлғон ёки ижтимоий-сиёсий вазиятга салбий таъсир кўрсатувчи маълумот ва хабарларни интернетдаги ижтимоий тармоқларда ва мессенджерларда тарқатиб келаётган шахсларни аниқлаш бўйича бир қатор ишлар олиб борилмоқда.
Жумладан, яқинда телеграм ижтимоий тармоғида очилган, 1592 нафар шахс аъзо бўлган «Qashqadaryoliklar group» деб номланган гуруҳда «Otabek aka» номи билан очилган профиль эгаси гуруҳда эълон қилинган «Ўзбекистонда коронавирус инфекцияси билан касалланганлар 5 нафарга ошиб, уларнинг умумий сони 55 нафарни ташкил этмоқда» деб номланган хабарга жавобан «Э-э одамларни алдашдан нима фойда 1000 дан ошиб кетган-ку касалланганлар Ўзбекистонда, тўғрисини айтиш керак, одамлар шунга қараб чиқмайди кўчага, Келмас экан деб юрибди кўчага» деган гап-сўзларни гуруҳда ёзиб қолдирган. Мазкур ҳолат юзасидан олиб борилган тезкор-қидирув тадбирлари натижасида, телеграм ижтимоий тармоғидан «Otabek aka» номи билан рўйхатдан ўтган фуқаро Шаҳрисабз шаҳар, «Уймовут» МФЙ, Уймовут кўчасида яшовчи Отабек Оймаматов эканлиги аниқланган.
Фуқаро О.Оймаматов билан ҳолат юзасидан суҳбатлашилганда у бу хабарни ҳеч бир асоссиз ёзганлигини, Тошкент шаҳридан келган маҳалладошларидан «Тошкентда вазият яхши эмас» деган гапларини эшитгани учун касалланганлар сони кўп бўлса керак деб ўйлаганлигини, шу сабаб «касалланганлар сони 1000 дан ошиб кетди» деб телеграм ижтимоий тармоғига ўзининг «Samsung Galaxy S8» аппарати орқали 97-***-19-05 телефон рақамидан фойдаланиб, ёзганлигини маълум қилган.
Юқорида қайд этилган ҳолат юзасидан фуқаро О.Оймаматовга нисбатан Шаҳрисабз туман ИИБ ҲПБ ТП профилактика инспектори катта лейтенант Л.Мўминов томонидан 27 март куни Маъмурий жавобгарлик тўғрисидаги кодекснинг 205-моддаси асосида маъмурий иш ҳужжатлари тўпланган ва судга юборилган.
Маъмурий ишлар бўйича Чироқчи туман судининг 27 март кунидаги қарорига асосан фуқаро О.Оймаматовга нисбатан Маъмурий жавобгарлик тўғрисидаги кодекснинг 205-моддаси билан 10 сутка маъмурий қамоқ жазоси қўлланилди.
Қашқадарё вилояти ИИБ Ахборот хизмати
“Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоир Мирзаев “Телефонсиз мактаб”га 300 млн сўм мукофот берди
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
АҚШнинг Ғазодаги сиёсатидан норози Давлат департаменти расмийси истеъфога чиқди
Мария Захарова украиналикларни Америка ҳиндуларига ўхшатди
Испания ва Греция Киевга Patriot тизимларини етказиб беришдан бош тортди
Руслар Abrams танкларининг заиф томонини топишди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради