Ҳозирда Ўзбекистонда 100 мингдан ортиқ киши стационар ва уй шароитида карантин муддатини ўтаяпти.
Бош санитария инспектори Нурмат Отабеков нега карантин чекловлари кучайтирилаётганига қарамай мамлакатда коронавирус билан касалланганлар сони ошаётгани тўғрисидаги саволга жавоб қайтарди.
«Айни пайтда Ўзбекистонда коронавирус касаллигига чалинганлар билан мулоқотда бўлганлар, эпидемик нохуш ҳудуддан олиб келинган фуқаролар, уларга тиббий хизмат кўрсатаётган тиббиёт ходимлари, санитария-эпидемиология хизмати ходимлари ҳам карантинда бўлиб туришибди», дея маълумот берди Нурмат Отабеков.
У карантиндан асосий мақсад ҳам хавф ости гуруҳига мансуб аҳолидан касаллик борларини эрта аниқлаб олиш ва касаллик тарқалишига йўл қўймаслик ҳисобланишини қайд этиб ўтган.
«Профилактик тиббиётда карантин тадбирлари касаллик ўчоғини аниқлаш, жиловлаш ва бартараф этиш учун қўлланади. Шунинг учун ҳам карантинга олинганлар орасидан касаллик чиқиш эҳтимоли бўлган ва биз бунга тайёр эдик», дея Нурмат Отабековнинг сўзларини келтирмоқда Kun.uz мухбири.
Санитария-эпидемиологик осойишталик агентлиги маълумотига кўра, Ўзбекистонда карантинга олинганларнинг 23 мингдан ортиғи стационар карантинда, 77 мингдан ортиғи уй шароитида карантин даврини ўтамоқда. Мамлакатда 29 мингдан ортиқ киши коронавирусни аниқлаш учун текширилган. Айни вақтга келиб 26 мингдан ортиқ киши карантиндан чиқарилган.
2-3 апрель кунлари Ўзбекистонда яна 40 кишига коронавирусдан зарарланиш ташхиси қўйилди ва жами ҳолатлар сони 221тага етди. Айни вақтгача беморларнинг 25 нафари тузалган, 2 киши вафот этган. Беморларнинг 8 нафари оғир аҳволда қолмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Россия дунёдаги биринчи водород ёқилғили автомобилни тақдим этди
АҚШнинг Суриядаги ҳарбий базасига ракеталар ҳужум қилди
Америкалик олимлар барча учун бирдек фойдали жисмоний фаоллик турини аниқлади
Damas учун онлайн контрактация очилади
Германияда мактаб ўқувчилари оммавий равишда ислом динини қабул қилмоқда
Ўзбекистонда ўтган уч ойда қанча автомобиль ишлаб чиқарилган?
Германиянинг Knauf компанияси Россиядан бутунлай чиқиб кетишини тасдиқлади