Тошкентдан Термизга юк машинасида келган 8 нафар фуқаро карантинга олинди

^{Фото: Сурхондарё ИИБ}
Тошкент шаҳридан Сурхондарё вилоятига юк машинасида келган 8 нафар фуқаро карантинга олинди. Бу ҳақда Сурхондарё ИИБ ахборот хизмати маълум қилмоқда.

Жорий йилнинг 3 апрель куни соат 11:30 да Термиз шаҳридаги патрул-постда тўхтатилган юк автомобилида 8 нафар йўловчи борлиги маълум бўлган.

Йўловчиларнинг айтишича, улар Тошкент шаҳридан Сурхондарё вилоятининг Термиз шаҳрига йўл олган Isuzu ҳайдовчиси билан келишиб, 50 минг сўм эвазига манзилига етиб келган.

^{Фото: Сурхондарё ИИБ}
Ҳолат юзасидан Термиз шаҳар ички ишлар органлари фаолиятини мувофиқлаштириш бошқармаси суриштирув ишларини бошлаб юборган. 8 нафар йўловчига нисбатан эса маъмурий баённомалар тузилиб, улар вилоят кўп тармоқли тиббиёт марказига карантинга олинган. «Замин»ни Telegram’да ўқинг!