ИИВ Ўзбекистонда карантин қоидалари энг кўп бузилаётган вилоятлар рўйхатини эълон қилди

Ўзбекистонда карантин тадбирлари эълон қилинган вақтдан бугунги кунга қадар қоидаларга амал қилмаслик билан боғлиқ кўплаб ҳолатлар аниқланди. ИИВ матбуот хизматининг хабар беришича, карантин қоидалари ва санитария чекловларига риоя қилиш юзасидан тушунтириш ишлари олиб борилишига қарамасдан, ҳамон қоидабузарлик ҳолатлари кузатилмоқда.

Бугунги кунга қадар республикамиз бўйича карантин қоидаларига амал қилмаслик билан боғлиқ жами – 86 411 та ҳолат аниқланган. Булар:
Тошкент шаҳрида – 15 900 та;
Фарғона вилоятида – 13 847 та;
Тошкент вилоятида – 12 845 та;
Самарқанд вилоятида – 7 526 та;
Сирдарё вилоятида – 5 818 та;
Қашқадарё вилоятида – 5 488 та;
Андижон вилоятида – 4 914 та;
Наманган вилоятида – 4 780 та;
Бухоро вилоятида – 3 391 та;
Қорақалпоғистон Республикасида – 3 137 та;
Хоразм вилоятида – 2 779 та;
Сурхондарё вилоятида – 2 615 та;
Жиззах вилоятида – 2 589 та;
Навоий вилоятида эса 782 та ҳолатни ташкил этмоқда.

Хусусан, 20 апрель куни Тошкент вилояти, Қибрай туманида яшовчи 1982 йилда туғилган Р.Р., Сирдарё вилояти, Сирдарё тумани, Юлдуз кўчасида яшовчи 1981 йилда туғилган. Қ.Х., Тошкент кўчасида яшовчи 1994 йилда туғилган Б.Ш., Самарқанд вилояти, Иштихон туманида яшовчи 1987 йилда туғилган О.У., Бухоро вилояти, Шофиркон туманида яшовчи 1984 йилда туғилган Э.С., Ромитан туманида яшовчи 1992 йилда туғилган Ф.Ф., Қорақалпоғистон Республикаси, Амударё тумани, Тинчлик кўчасида яшовчи 1969 йилда туғилган Г.Ш., Беруний туманида яшовчи 1989 йилда туғилган Б.А. жамоат жойида тиббий ниқобсиз юргани аниқланиб, Маъмурий жавобгарлик тўғрисидаги кодекснинг 54-моддаси (Эпидемияларга қарши кураш қоидаларини бузиш) билан жавобгарликка тортилган.

Эслатиб ўтамиз, Ўзбекистонда 25 мартдан бошлаб жамоат жойларида ниқобсиз юриш тақиқланган. Ниқобсиз юрган шахслар жаримага тортилади.

Шунингдек, 20 апрель куни Тошкент вилояти, Ўрта Чирчиқ туманида яшовчи 1990 йилда туғилган Й.Р., Самарқанд вилояти, Пастдарғом тумани, Жума шаҳарчасида яшовчи 1979 йилда туғилган Ш.Х. рухсатномасиз ўз транспортида бемақсад юргани аниқланиб, Маъмурий жавобгарлик тўғрисидаги кодекснинг 54-моддаси (Эпидемияларга қарши кураш қоидаларини бузиш) бўйича жавобгарликка тортилиб, автомашиналари жарима майдончасига жойлаштирилган. “Замин” янгиликларини “Одноклассники”да кузатиб боринг