Фото: Президент матбуот хизмати
Ўзбекистонда коронавирусга қарши кураш бўйича барча чоралар кўрилгани, карантин даврида қатъий тартиб-интизом ўрнатилгани боис касаллик билан боғлиқ рақамлар ижобий бўлиб турибди. Бу ҳақда Президент Шавкат Мирзиёев 28 апрель куни Бухоро вилоятининг Олот туманида бўлиб ўтган учрашувда таъкидлаб ўтди.
«Бу йўналишда Бухорода ҳам катта ишлар қилиняпти. Ҳар бир фуқаронинг ҳаётини сақлаб, бирорта ҳам ўлим бўлмаслиги учун 24 соат ҳаракат қиляпмиз. Албатта, бу бошимизга тушган катта синов. Мен биринчи кунданоқ айтдимки, бу синовдан қудратли бўлиб чиқамиз, бир-биримизга меҳримиз, муҳаббатимиз, албатта, ошади», — деди Президент.
Таъкидлаш жоизки, 28 апрель куни Ўзбекистонда илк бор коронавирусдан соғайганлар сони айни вақтда касалликдан даволанаётганлар сонидан ошиб кетди. 29 апрель соат 10:00 ҳолатида ҳам соғайганлар устунлиги сақланиб турибди. Айни вақтда мамлакатда илк касалланиш ҳолати қайд этилган 15 мартдан буён саккиз киши касаллик қурбони бўлди.
Аввалроқ сингапурлик тадқиқотчилар Ўзбекистонда коронавирус эпидемияси 2 май куни 97 фоизга, 23 майга келиб эса 100 фоизга чиқиши мумкинлигини прогноз қилган эди. Қайд этиш жоиз, Президент Шавкат Мирзиёев 14 апрель куни бўлиб ўтган йиғилишда «карантинни қачон бекор қилиш халқ билан бамаслаҳат, ҳар томонлама чуқур ўйлаб ва таҳлил қилиб, албатта, кўриб чиқилиши»ни таъкидлаган эди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Ўзбекистонда зилзилага тайёргарлик кучайтирилади
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
Сирдарёда бюджетга жуда кўп миқдорда зарар етказган майнинг ферма аниқланди
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди