Самарқанд ва Навоий вилоятларида эпидемиологик вазият оғирлашиши давом этмоқда. Фарғона ва Бухоро вилоятларида эса сўнгги кунларда янги зарарланиш ҳолатлари қайд этилмади.
Соғлиқни сақлаш вазирлиги матбуот котиби Фурқат Санаевнинг телеграм каналида беморлар қайд этилиши ва соғайиши бўйича кўрсаткичлар жадвали келтирилди.
Унга кўра, айни вақтга келиб Ўзбекистонда коронавирус беморларининг 80 фоиз қисми тузалган. Ҳудудлар кесимида олинса, бу борада энг яхши кўрсаткичлар Бухоро (97 фоиз), Андижон (96 фоиз), Фарғона (95 фоиз) ва Қорақалпоғистонда (93 фоиз) нисбатан яхшироқ. Аммо сўнгги икки кун ичида Андижон ва Қорақалпоғистонда 3тадан янги зарарланиш ҳолатлари қайд этилган, Фарғонада 6 майдан буён, Бухорода эса 9 майдан буён янги ҳолатлар қайд этилмаган ва бу ҳудудлар тез орада коронавирусдан холи ҳудудга айланиши кутилмоқда.
Сўнгги икки кун ичида энг кўп зарарланиш ҳолатлари Тошкент шаҳри ва Тошкент вилояти ҳудудида қайд этилган - жами 74 кишига коронавирусдан зарарланиш ташхиси қўйилган. Аммо Соғлиқни сақлаш вазирлигининг аниқлик киритишича, бу янги ҳолатлар асосан хориждан келиб, карантинга олинган ва коронавирус учун тест ўтказилганлар билан боғлиқдир.
Шунингдек, Самарқанд вилоятида беморлар сони тез ўсмоқда - сўнгги икки кунда яна 31 кишида вирус аниқланиб, вилоятдаги зарарланиш ҳолатлари сони 204 нафарга етган. Беморларнинг 94 нафари тузалган, лекин вилоят тузалиш кўрсаткичи бўйича энг ёмон натижалардан бирини қайд этмоқда - 46 фоиз.
Тузалиш кўрсаткичлари бўйича энг ёмон ҳолат Навоийда - 12 фоиз. Бир муддат коронавирусдан холи ҳудуд бўлиб турган бу вилоятда 9 май куни яна янги ҳолатлар аниқланганди. Дастлаб 6 кишида вирус қайд этилганди, 11-12 май кунлари беморлар сони 9 нафарга ошди ва айни вақтда вилоят юқумли касалликлар шифохонасида 15 бемор даволанмоқда.
Сўнгги икки кун давомида Наманган (+6), Сирдарё (+7) ва Сурхондарёда (+3) ҳам янги ҳолатлар қайд этилган.
Эслатиб ўтамиз, 11 май куни Республика махсус комиссияси қарори билан, Навоий вилоятидаги «cариқ» тоифадаги Зарафшон шаҳри «қизил» ҳудуд этиб белгиланганди.
12 май куни эса Самарқандда карантин чоралари яна кучайтирилиши маълум қилинди. Унга кўра, 13 майдан шаҳарга кириш ва шаҳардан чиқишда назорат кучайтирилади, шаҳар ичида автомобилда стикерсиз ҳаракатланиш тақиқланади, фаолиятига рухсат берилган тадбиркорлик субъектлари ҳар бир мижоз ҳароратини ўлчаб, уларга бепул янги ниқоб ва қўлқоп тарқатиши шарт ҳисобланади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Запорожье вилоятининг Работино шаҳри шимолида Россия байроғи кўтарилди
Россиялик зобитнинг Бухорода кўрган-кечирганлари...
АҚШ сунъий интеллектга ядро қуроли устидан назоратни бермасликка чақирди
Кексайганда ҳам ёш кўриниш учун қандай ҳаёт тарзини кечириш керак?
Навоийда ЙПХ ходимлари кўз олдидаги қоидабузарликка кўз юмди
ОАВ эркинлиги рейтинги: Дунёдаги вазият - охирги 10 йилдаги энг ёмони
“Зенит” футболчиси Файзуллаев ҳақида нималар деди?