2 июнь куни Ўзбекистонда жами 58та янги зарарланиш ҳолати қайд этилди ва 49 бемор тузалди. Шу вақтгача 2908 киши соғайган, айни вақтда шифохоналарда 837 бемор даволанмоқда.
Янги ҳолатлар 6 ҳудудда - Тошкент шаҳри, Тошкент, Бухоро, Навоий, Сирдарё ва Наманган вилоятларида аниқланди. ССВ матбуот хизмати раҳбари Фурқат Санаев телеграмдаги каналида беморлар қайд этилиши ва соғайиши бўйича кўрсаткичлар жадвалини келтирди.
58та янги касалланиш ҳолатининг 8таси аҳоли орасида қайд этилган.
Аҳоли орасида
Тошкент шаҳрида аҳоли орасида 4та янги касалланиш ҳолати қайд этилди. Шундан 2 ҳолат Яшнобод тумани ҳудудида аниқланган.
Бухоро вилоятида ҳам аҳоли орасида 4та ҳолат қайд этилган - улар коронавирусга чалинган беморлар билан мулоқот туфайли вирус юқтириб олишган. Бугундан вилоятнинг икки туманида - Шофиркон ва Ғиждувонда шахсий транспортда ҳаракатланишга тақиқ қўйилди. Вилоят ҳокимлиги ушбу туманларни «қизил» ҳудуд сифатида белгилашга қарор қилган. Когон тумани эса «сариқ» ҳудуд бўлади.
Карантинда
Тошкент вилоятида карантин марказида 30 кишида вирус аниқланди. Шундан 13 нафари Қозоғистондан, 10 нафари Россиянинг Санкт-Петербург шаҳридан, 7 нафари Тожикистондан келган.
Шунингдек, Навоий вилоятида карантинга олинганлар орасида 7 кишида ва Тошкент шаҳрида карантинга олинганлар орасида 3 кишида вирус чиққан.
Ҳайдовчилар
Бугун шунингдек, халқаро юк ташувчи автомашина ҳайдовчилари бўлган 10 кишига коронавирусдан зарарланиш ташхиси қўйилди. Жумладан, Наманган вилоятида 1, Тошкент вилоятида 5, Сирдарё вилоятида 1, Бухоро вилоятида 3 нафар ҳайдовчи.
Тузалганлар
Бугун Навоий вилоятиннг Зарафшон шаҳрида 42 бемор тузалди ва реабилитацияга кузатилди. Шунингдек, Тошкент шаҳридаги тиббиёт муассасаларидан 7 киши соғайиб чиқди.
Ҳозирда касаллик қайд этилган жами 3760та ҳолатдан 2908 бемор соғайиб, даволаниш кўрсаткичи 77 фоизни ташкил этмоқда.
Айни пайтда тиббиёт муассасаларида даволанаётган 837 нафар бемордан 10 нафари оғир, 2 нафари эса ўта оғир аҳволда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
