Кадр: Telegram
8 июнь куни ижтимоий тармоқларда Тошкент кўчаларида Lacetti ҳайдовчиси ўз автомобилида бир фуқарони бир неча метрга судраб, воқеа жойидан қочиб кетгани тасвирланган видео тарқалди. MY5 каналининг «Ҳудуд» дастурида маълум қилинишича, қоидабузар ҳайдовчи ИИББ ходимлари томонидан қўлга олинган.
Видеодан кўриш мумкинки, Lacetti автомобили орқага ҳаракатланиб, очиқ ҳолда турган Spark’ни туртиб юборган, шунингдек, машина рўпарасидаги фуқаронинг устига ҳайдаган ва уни бир неча метргача судраб борган.
Маълумотларга кўра, мазкур ҳолат Тошкентнинг Олмазор туманидаги Гулсарой ва Қорасарой кўчалари чорраҳасида содир бўлган. Эрталаб соат 09:00 ларда юзага келган тирбандлик вақтида Lacetti ҳайдовчиси йўлнинг қарама-қарши тарафида ҳаракатланиб, рўпарадан келаётган Spark билан тўқнашув содир этишига бир бахя қолган.
«Қарама-қарши йўналишдан ҳайдаб келди. Агар машинамни тротуар тарафга олиб қочмаганимда, келиб урилган бўларди. Ойнани очиб, нега бунақа қилаётганини сўрадим. Айб унда бўляпти, узр сўраса бўлади, у эса кечирим сўрамади. Машиналаримиздан тушиб, даҳанаки жанжаллашиб кетдик», — дейди Spark ҳайдовчиси.
Жабрланувчининг онасини сўзларига кўра, Lacetti ҳайдовчиси ўғлини 50-60 метргача судраб кетган.
Олиб борилган суриштирув ишлари натижасида Lacetti автомобилининг 24 ёшли ҳайдовчиси аниқланиб, ушланган.
Ҳозирда ҳолат юзасидан ИИО ФМБ томонидан дастлабки терговолди суриштирув ишлари олиб борилмоқда. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Жозе Моуриньо Евро—2024 фаворитларини санаб ўтди
Ўзбекистонда қайси давлатларнинг капитали иштирокидаги корхоналар сони кўп?
Ботир Қодиров ва Жўраевларга оид суд иши ёпиқ тарзда кўриб чиқиладиган бўлди
АҚШ Россияга қарши янги санкциялар киритди
Германияда Rheinmetall қурол компанияси раҳбарининг дачаси ёқиб юборилди
Ўзбошимчалик билан қурилган ноқонуний қурилмалар узоққа бормайди
Байден талабаларнинг норозилик намойишлари унинг Исроилга нисбатан сиёсатини ўзгартирмаслигини айтди