“Ғалла — 2020” мавсуми: амалий ишлар, натижалар ва режалар

Бугун далаларимизда аллақачон “Ғалла — 2020” мавсуми бошлаб юборилган. Мамлакатимизнинг барча ҳудудида миришкорлар ерга қадалган бошоқли дон экинларини парваришлаш ва суғориш билан банд.

Айни пайтда фермерларга моддий ресурслар, жумладан, агротехника тадбирлар-у шартномавий мажбуриятларнинг бажарилиши каби муҳим жараёнларда Тошкент вилояти давлат солиқ бошқармаси бошлиғи Равшан Раимов бошчилигида тегишли ташкилотлар вакиллари билан хамкорликда ишчи гуруҳлар тузулиб,гуруҳлар томонидан амалий ёрдам кўрсатилмоқда. Иқлим шароити, ўрим ишлари усулининг сифати, хосилни бегона ўтлардан халос қилиш каби холатлар назорат қилинмоқда.

Тошкент вилоятида жорий йилда 2 минг 694 та фермер хўжаликлари томонидан 116 минг 100 гектар сувли майдонларда бошоқли дон экинлари парваришланган бўлиб, ўртача бир гектар 76,3 центнер ҳосил олиш режалаштирилган.

Биргина Оҳангарон туман мисолида айтадиган бўлсак, жорий йилда режага кўра 8110 минг гектар ерга бошоқли дон экилган. ҳосил режаси 61 330 тоннадан иборат бўлиб, шундан 19690 тоннаси давлат буюртмаси учун топширилади.

Ҳозирда ўрим мавсумига 22 та ўрим ва 50 дан ортиқ юк машиналари жалб қилинган ҳамда мавсум самарали ўтишини таъминлаш мақсадида 22 та отряд ҳам ташкил этилган.

Ғалла ўримининг илк кунлариданоқ, Тараққиёт маҳалласига қарашли Кейс ўрим машинаси ҳайдовчиси Дилшод Шокиржоновга кунлик ўрим ҳажмини 57 тоннадан оширгани ва юртимиз хирмонига илк улуш қўшгани учун телевизор совға қилинди, Мардон Ўткиров, Икром Усмониддинов ҳамда Маруф Эшбоевлар эса Вектор ўрим машинасида кунлик ўрим хажмини 56 тоннадан оширганликлари учун қимматбаҳо маиший техника воситалари билан тақдирландилар.

Биз ростдан ҳам мамлакатимизни қишлоқ хўжалиги соҳасида ривожланишга эришишини истаймиз. Чунки деҳқон бой бўлса, мамлакат обод бўлади, - дейди рағбатлантирилган ўримчи Дилшод Шокиржонов.

“Замин” янгиликларини “Telegram”да кузатиб боринг