Пандемия тиббиёт тизимини мураккаб аҳволга тушириб қўйди. Шифокорлар, айниқса тез тиббий ёрдам бригадалари ва тор мутахассислар етишмаяпти. Ана шундай пайтда юртдошимиз бўлган шифокорнинг бир ташаббуси диққатимизни тортди.
– Биринчи 14 кунлик хизматимизга давлат томонидан ваъда қилинган 25 млн сўм тўлаб берилди. Қаттиқ чарчадим ва уйимга кетдим. Озроқ дам олиб, ўзимга келишим билан юрагим безовта бўла бошлади, – дейди Kun.uz билан суҳбатда ўз исмини ошкор қилишни истамаган шифокор.
Чунки охирги бир неча кун ичида вазият кескин ёмонлаша борди, беморлар сони ортди, ҳамкасбларимиз улгурмай қола бошладилар. Шунда яна ишга қайтишга қарор қилдим.
– Кўпчилик шифокорлар катта маошларга ҳам қарамай бу соҳада ишлашдан чўчишмоқда. Сиз узлуксиз ишлашга тайёрман, деяпсиз.
– Гапларим баландпарвоз туйилмасин, лекин давлатимиз имкониятлари чекланиб қолса, охиригача ҳақ олмай ишлашга ҳам тайёрман. Лекин умид қиламанки, тизимимиз бундай мураккаб вазиятга тушиб қолмайди.
Албатта, маош олишим, оилам бюджетига ҳисса қўшишим керак. Ўзимнинг режам 14 кунликдан кейинги дам олиш кунларимда ҳам имкон қадар ишга чиқмоқчиман ва шу билан касалликка қарши курашда ўз ҳиссамни қўшмоқчиман. Ота-онам бутун умр халқ хизматини қилиб ўтишган. Биз учун бугун синовли кунлар бугун келди шекилли, шундай пайтда фойдам тегаётганидан хурсандман.
– Умуман, шифохоналарда вазият қандай?
– Юклама уч баробаргача ошган, оғир аҳволдаги беморлар жуда кўп. Шунча йил ишлаб, шунча жойда юриб, бунчалик кўп нажот тилаб тикилган кўзларни кўрмаганман. Ўзимнинг ҳам яқин қариндошларим шу касалликка чалинишди.
Тизимни танқид қилиб, шифокорларни ёмонлаб ўтирадиган вақт эмас ҳозир. Шу ўринда ҳамма ҳамкасбларимни ҳам сабр-бардошга чақираман, ҳар бир беморни ўз яқинларидек қабул қилиб даволашларини хоҳлардим, балки шу билан ўтган йилларда шифокорларнинг маълум маънода тўкилган обрўсини ҳам тиклашга ёрдам берган бўлардилар.
Юртдошларимиз эса ниҳоятда эҳтиёт бўлишлари шарт! “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Қайси кундалик одатлар иммунитет пасайишига олиб келишини биласизми?
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Лукашенко Ғарбга таҳдид билан чиқди
