08:53 / 19.08.2020
3 090

Мутахассис коронавирусга қачон қайта чалиниш мумкинлигини маълум қилди

Мутахассис коронавирусга қачон қайта чалиниш мумкинлигини маълум қилди
Фото: AP
Коронавирусни бошдан ўтказган одам унга 2-3 ойдан кейин яна чалиниши мумкин. Бу ҳақда россиялик иммунолог шифокор Николай Крючков маълум қилди.

Мутахассиснинг таъкидлашича, ҳаммаси организмда коронавирусга қарши антитаналар қанча вақт юқори даражада қолишига боғлиқ. Мисол учун, коронавирусга чалинган баъзи одамларда антитаналар миқдори улар соғайиб кетгандан кейин тезда камайиши мумкин.

“2-3 ой ўтгач, антитаналар даражаси жуда оз миқдорда бўлади. Ҳозирча бу нима билан боғлангани номаълум, чунки кўп одамларда антитаналар анча узоқ вақт сақланади”, деб таъкидлаб ўтган Крючков.

Мутахассиснинг таъкидлашича, бирор ҳудудда коронавирусдан касалланганлар улуши кўп бўлса, унда вирусга чалиниш эҳтимоли ошади.

Аввалроқ россиялик яна бир олим Анатолий Альштейн коронавируснинг иккинчи тўлқини агар унга грипп қўшилмаса, анча енгил ўтишини маълум қилган. Унинг таъкидлашича, ҳозирда коронавирусга қарши иммунитет шаклланган одамлар қатлами мавжуд. Шунингдек, вирус ўзгариб, тобора зарарсиз кўринишга келмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Мутахассис коронавирусга қачон қайта чалиниш мумкинлигини маълум қилди