10:38 / 27.08.2020
1 283

МИБ 64 нафар ишчи-ходимларнинг маошини ундирмоқда

МИБ 64 нафар ишчи-ходимларнинг маошини ундирмоқда
Мажбурий ижро бюроси Бекобод туман бўлими иш юритувига фуқаролик ишлари бўйича Бекобод туманлараро судининг суд буйруқларига асосан, қарздор “БЕКОБОД-АГРОКИМЁ” МЧЖдан, ундирувчи 64 нафар фуқароларга 155.635.408 сўмлик иш ҳақидан қарздорликларни ундириш тўғрисидаги ижро ҳужжатлари келиб тушган.

Мазкур ижро ишлари юзасидан олиб борилган мажбурий ижро ҳаракатлари натижасида, электрон инкассо топшириқномалари орқали қарздор “БЕКОБОД-АГРОКИМЁ” МЧЖ дан 56 нафар корхона ишчисига, 134.037.163 сўмлик иш ҳақи ундирилиб, уларнинг шахсий пластик картасига ўтказилиб берилди.

Ҳозирги кунда қарздор корхонадан, яна 8 нафар ходимга 21.598.245 сўмлик иш ҳақидан қарздорликларни ундириш бўйича мажбурий ижро ҳаракатлари давом эттирилмоқда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)