Мажбурий ижро бюроси Қўқон шаҳар бўлими иш юритувида фуқаролик ишлари бўйича Қўқон туманлараро судининг 08.02.2019 йилдаги суд буйруғига асосан қарздор Р.Сапаевдан С.Тўхтасинова фойдасига бир нафар вояга етмаган фарзанди учун иш ҳақи ва бошқа даромадининг тўртдан бир қисми миқдорида алимент ундириш бўйича ижро ҳужжати мавжуд.
Бироқ, қарздор Р.Сапаев 08.02.2019 йилдан 01.01.2021 йилга қадар фарзанди учун умуман алимент тўламаган. Фақатгина, 16.06.2020 йилда унга нисбатан Ўзбекистон Республикаси МЖтКнинг 47-4-моддаси асосида тўпланган ҳужжатлар бўйича Қўқон шаҳар маъмурий судида иш кўриб чиқилаётган вақтда маъмурий қамоқ жазоси тайинланишини олдини олиш мақсадида 500 минг сўм алимент пули тўлаб берган.
Маъмурий суд томонидан тайинланган 15 сутка қамоқ жазосини ўтаб чиққандан кейин ҳам қарздор Р.Сапаев алимент тўламаслик фикрида қатъий тургани ҳақида ундирувчи ва давлат ижрочисига хабар берган.
Бу ерда, алимент миқдори ёки уни ундириш эмас, балки қонун ҳужжатларида белгиланган мажбуриятларни бажармасликни ошкора равишда эълон қилиш масаласи кун тартибига чиққанлиги сабабли 2020 йил декабрь ойига келиб Р.Сапаевга нисбатан Ўзбекистон Республикаси ЖКнинг 122-моддаси 1-қисми билан жиноят иши қўзғатилган.
Қизиғи шундаки, 06.01.2021 йилда жиноят ишлари бўйича Қўқон шаҳар судида бўлиб ўтган суд мажлиси жараёнида қарздор Р.Сапаев судья ва маслаҳатчиларни ишончига кириб, Мажбурий ижро бюроси томонидан қўйилган чекловни бекор қилишни сўраб, Россия Федерациясига ишлаш учун бориши ва алимент пулини ўша ердан банк орқали юборишини билдирган.
Суд Р.Сапаевни ЖКнинг 122-моддаси 1-қисмида кўрсатилган жиноятни содир этганликда айбли деб топиб, 6 ой озодликдан маҳрум қилиш жазоси тайинлаган.
Бюронинг Қўқон шаҳар бўлими томонидан С.Тўхтасинова фойдасига тўланмаган 8 млн. 664 минг 510 сўм алимент қарзи ва келгусидаги алимент тўловлари бўйича мажбурий ижро ҳаракатлари давом эттирилмоқда.
“Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Тошкентда 02 кодли авторақамлар тахминан қачон пайдо бўлиши айтилди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Қайси кундалик одатлар иммунитет пасайишига олиб келишини биласизми?
Велосипедда сайр қилиш учун 3 сабаб: ёшартиради, оздиради ва умрни узайтиради
Сариқми ёки яшил: қайси турдаги банан фойдалироқ?
Лукашенко Ғарбга таҳдид билан чиқди
